CURSUS DRENTSE LITERATUUR DEUR HENK NIJKEUTER IN OKTOBER EN NOVEMBER

Categorie
Wetenschap
Datum
27 november 2019 20:00 - 22:30

Altied al neisgierig ewest waorumme Roel Reijntjes een vlinderdassie dreug? Of waorumme Martin Koster het altied hef over siep, schaop en scheuper? Of bi’j meer as raozend beneid naor de eerste schrievers die de moed en de kunde hadden um te schrieven in de streektaal van Drenthe?

Lichtkaans, kan oe dit alles niks schelen. Mar bi’j wel interesseerd in hoe schrievers sinds 1816 begunden te schrieven in de streektaal. Èn vanzölf realiseer ie oe ok dat elke schrieversgeneratie wieder bouwt op de kennis en kunde van de veurige generaties.

Dan is dit oen kaans!

Want op de aovends van :

Woensdag 23 oktober

Dinsdag 5 november

En

Woensdag 27 november

gef dr. Henk Nijkeuter een cursus Drentse literatuurgeschiedenis.

Gien saaie verhandeling en dreuge theorie, mar heldere uutleg, veul anekdotes en veurbeelden en

illustreerd mit beeld-en geluudfragmenten.

Henk Nijkeuter beschreef in zien Drentse Literatuurgeschiedenis deel l en ll alle Drentse schrievers en inventariseerde heur wark. Dizze boeken vormt de basis veur de cursus en bint bij de cursuspries inbegrepen.

De cursusaovends begunt um 20.00 uur (inloop vanof 19.30 uur mit koffie en thee) en duurt tot 22.00 uur, in het Huus van de Taol Beilen.

Kosten veur de drei aovends , inclusief twei delen van de Drentse Literatuurgeschiedenis, en koffie en thee, 40 euro.

Ie kunt oe opgeven veur dizze biezundere cursus veur 15 oktober via : Dit e-mailadres wordt beveiligd tegen spambots. JavaScript dient ingeschakeld te zijn om het te bekijken.

of even bellen: 0593 371010.

 
 

Alle data

  • 23 oktober 2019 20:00 - 22:30
  • 27 november 2019 20:00
  • 5 november 2019 20:00