Annemiek Drenth

In 2012 wun ze het eerste Drents Liedtiesfestival met het liedtie Ik bin zo wies.

Annemiek Drenth

Annemiek Drenth Drenste artiesten Huus van de Taol

Annemiek Drenth is in 1986 in Emmer Compas geboren.

Zie kreeg al hiel jong belangstelling veur muziek. Zie was nog maor vief jaor toen ze begunde te zingen in het kinderkoor van de muziekschoel in Emmen. In Emmer Compas zung ze ok in een kinderkoor. En later zung ze in een vrouwenkoor en in een popkoor.

Zie wun in 2012 het eerste Drents Liedtiesfestival met het liedtie Ik bin zo wies.

Naost zingen in het Drents heeft Annemiek Drenth nog hiel wat meer pijlen op heur boog. Zo hef ze under de naam Een melodie van liefde heur eigen underneming in de trouw- en oetvaartbranche.

En zie is ok ‘zingende trouwambtenaar’. Zölf zeg Annemiek over dizze biezundere combinatie: ‘Nao al die jaoren as zangeres actief west te hebben, dacht ik dat dit wal een hiel mooie combinatie weden zul. Muziek is gevuul en gevuul overbrengen is wat hiel biezunders en hiel intiem. Vanzölf is het ok meugelijk mij gewoon as trouwambtenaar zunder muziek vast te leggen. Sinds jannewaori 2020 bin ik ansleuten bij de gemiente Stadskenaol as benuumd en beëdigd trouwambtenaar.’
Wieder sprek Annemiek op oetvaarten.

The Annemiek Drenth Wedding Band kan inhuurd worden veur bruloften en partijen.

Kiek ok op: www.annemiekdrenth.nl

Er worden cookies gebruikt voor deze content. Accepteer de cookies om de content te bekijken.

In 2021 was Annemiek te gast in de Drentstaolige podcast Praot Drents met mij: