Het zomernummer van Roet is uut. Mit hierin onder anderen bijdrages van Chris Canter, Ria Westerhuis, Rouke Broersma en Suze Sanders.  De abonnees van Roet hebt het blad inmiddels al thuusestuurd ekregen. Niet abonnees kunt de neie Roet tegen betaling van 4 euro halen bij het Huus van de Taol. Ie kunt de Roet ok bestellen via de webwinkel www.drentheboeken.com Ie betaalt dan wel verzendkosten. Op de achterkant van de Roet de eerste zin uut Lena, het boek van Leny Hamminga, dat nou ok as E-book verkiegbaar is. Kiek veur meer informatie op www.drentheboeken.com In de ZomerRoet stiet een recensie van het boek deur André Degen.

Der wordt een speciale literaire bustour deur Noord-Drenthe organiseerd deur het Drents Archief, Arriva Touring en het Huus van de Taol. De reis giet langs monumenten en plekken die as verbunden bint an schrievers in Noord-Drenthe. De bustocht is op 14 juli en begunt om 9.30 uur bij het beeld van Bartje bij het Drents Archief in Assen. Um 17.30 uur eindigt dizze tour daor ok weer.

Op woensdag 21 juni wordde het leste paneel van het project Streektaalpoëzie in de Openbare Ruumte van het Huus van de Taol in de gemiente De Wolden onthuld. Op de foto ziej dat Keurnoot Jan Tijink het paneel mit het gedicht Panta Rhei van Martin Koster overdrag an Sonja van der Meer van het Drentse Landschap. Het paneel stiet vlak an de Reest bij het informatiecentrum ´t Ende bij De Stapel. Dit was het veerde en leste paneel van het project. De aandere drei bint Moedertaal van Gré Seidell Broekhuizen in het dorpshuus ´t Neie Punt in Rune, De Vredings Vurt van Marga Kool in het gemeentehuuus in Zuudwolde en Apostelboom van Ria Westerhuis bij de karke van Blijdestein bij Runerwold.

Langste dag!

21 juni 2017

Vandaag is het de langste dag. Dat betiekent ok de kortste nacht. Weinig tied dus um naost joe te liggen. Dan kuj beter even het boeken kopen van Anne Doornbos: In nachten dat ik naost jou lig. Kan ok via de webwinkel!

De Historische Vereniging Gemiente Diever hef op 14 juni een bundel columns van Klaas Kleine uutegeven. In 2000 is Klaas Kleine op 60 jaorige leeftied uut de tied ekomen. Naost schriever was Klaas Kleine hoefsmid, koster, geitenfokker, kezemaker, vioolbouwer, toneelspeuler (Shakepeare) en docent Drèents. Vanof 1982 publiceerde hij in Roet, vèer jaor was e veurzitter van de Drentse Schrieverskring. Klaas kun niet zunder het schrieven van columns. Hie deed dat in het Neisblad van het Noorden, maondblad Drenthe, Radio Noord, Radio Drenthe en het Dieverder hoes-an hoes-blad. Hij kreeg in 1996 de Simon van Wattumpries. Zien columns uut het Neisblad van het Noorden en uut Maandblad Drenthe bint verzameld in dizze verhalenbundel van Klaas Kleine. Het boek is te kriegen via de Historische Vereniging Gemeente Diever (10 euro veur leden) en via de website www.drentheboeken.com van Het Drentse Boek ( € 15,00) Kiek bij Boeken in eigen beheer.

Leny Hamminga en Anne Doornbos bint de streektaalschrievers die op zaoterdag 17 juni van half tien tot kwart over tien in het programma van Zomerzinnen staot. Kiek op de website van Zomerzinnen veur meer informatie over heur. In de boekenkraam van boekhandel Van der Velde uut Assen bint op Zomerzinnen heur boeken te koop. Wieder treedt op vrijdag 17 juni de Stroatklinkers uut Grunnen op. Zomerzinnen duurt twee dagen lang. Veur alle informatie kiek op www.zomerzinnen.nl

Bij de olde Bartholomeuskerk van Blijdenstein bij Runerwold is bij de Twaalfapostelenboom deur het Huus van de Taol (via de Taalschulte en keurnoten van De Wolden) een bord mit een Drents gedicht van Ria Westerhuis eplaatst. Lange eleden bint der symbolisch twaalf kleine scheuten bij mekare ezet en die bint vergreuid tot een grote boom, de Twaalfapostelenboom. Roelof Kloosterziel hef der in Da's Mooi van 6 juni 2017. een mooi stukkie over eschreven.

Dizze hele week (van 22 t/m 28 mei) is het de Week van het Luusterboek. Boekensite Hebban.nl organiseert dizze activiteit veur het eerst; de week van het Luusterboek bestiet al sinds 2005. Der bint ok Drentse luusterboeken down te loaden. Aj ies kiekt bij www.luisterrijk.nl dan kuj luusterboeken kopen van o.a. Gerard Nijenhuis, Leny Hamminga, Suze Sanders, Delia Bremer, Ria Westerhuis en Erik Harteveld. Kiek veur meer informatie over de week van het Luusterboek op weekvanhetluisterboek.nl

Pagina 1 van 40