Op woensdag 11 oktober wordde het neie boek van Roelof Keen prissenteerd. Tijdens een gezellige bijeenkomst zag Op 't randtie het levenslocht. De eerste exemplaren waren veur Eric van Oosterhout,burgemeester van de gemiente Emmen en veur Roelof zien schoonmoe. De muziek wordde verzorgd deur Annemiek Drenthe en Ron Snippe. In zien tweede boek staot (humoristische) verhalen en gedichten die baseerd bint op de eigen avonturen van Roelof. Roelof Keen zit van jongs of af in een rolstoel, maar hij leeft zien leven mit bravoure. Zien verhalen beschrieft de avonturen op vakantiereizen over de hiele wereld en het dagelijkse leven dat hij op dezelfde manier wil leven as meinsen zonder beparking. Hij beschref hoe hij as rolstoeler bij de Efteling misselijk wordde in een attractie, hoe hij het probleem oploste van het vakantie-oppas-knien dat opevreten was deur de hond, hoe hij het dak van zien huis varfde en nog veul meer. Verhalen die zunder uutzundering een grote glimlach bij de lezer op het gezichte tovert. De geweldige illustraties in het boek bint van Gerrit Pomp. Ie kunt het boek bij de Drentse Boekhandels kopen of bij de webwinkel van het Drentse Boek.

 prissnetatie4prissentatie6prissentatie5prissentatie3

Het mus dervan komen. Nao het grote succes van zien eerste boek Dikke arms, korte bienties, is der nou Op ’t randtie. Schriever Roelof Keen uut Klazienaveen hef het in zien eerste boek veural over zien jeugd. In zien tweede boek staot (humoristische) verhalen en gedichten die baseerd bint op zien eigen avonturen, Roelof Keen zit van jongs of af in een rolstoel, maar Roelof leeft zien leven mit bravoure. Zien verhalen beschrieft de avonturen op vakantiereizen over de hiele wereld, maar ok over het dagelijkse leven dat hij op dezelfde manier wil leven as meinsen zonder beparking. Hij beschref hoe hij as rolstoeler bij de Efteling misselijk wordde in een attractie, hoe hij het probleem oploste van het vakantie-oppas-knien dat opevreten was deur de hond, hoe hij het dak van zien huis varfde en nog veul meer.
Verhalen die zunder uutzundering een grote glimlach bij de lezer op het gezichte tovert. De geweldige illustraties in het boek bint van Gerrit Pomp. Het boek is vanof 11 oktober verkriegbaar bij de Drentse boekhandels, het Huus van de Taol en via de webwinkel www.drentheboeken.com

De overkaant van het waeter is de leste dichtbundel van Johan Veenstra uut het Stellingwarfse Nijeholtpade. Hij giet vanof nou allent nog verhalen en romans schrieven. Johan viendt dat hij de autobiografische thema's in zien gedichten genog hef uutewarkt. Zoas e zelf zeg: Ie moe'n d'r niet over deurmierken blieven, aanders wodt et vervelend. Volgend jaor komp der een nei spannend verhaal uut van Johan Veenstra. De warktitel is De ofrekening.

In Maison en France (een tiedschrift veur liefhebbers van Frankriek die alles weten wilt over huzen, wonen, leven en warken in Frankriek) stiet het boek van Dick Blancke Twei ezels en meer ... vermeld. Dat is toch wel biezunder: een Drents boek in een tiedschrift over Frankriek. Aj het boek van Dick Blancke kopen wilt, moej even hier klikken.

Der bint nog zes extra opvoeringen in-epland veur de theaterveurstelling van Koloniekak in Veenhuzen. Het toneelstuk dat emaakt is naor het boek Koloniekak van Mariët Meester is hiel succesvol ewest. De schriefster hef veur het boek veul (old) Veenhuzers bevraogd en maakte zo een persoonlijk portret van Veenhuzen in de 20e eeuw. De leste daotums van de toneelveurstelling, die in Coco Maria opevoerd wordt, bint: vrijdag 8 september, 29 september en 6 oktober; zundag 29 oktober, vrijdag 17 november en zaoterdag 18 november. Risserveren kuj bij www.koloniekak.nl Aj het boek wilt kopen kuj hier klikken.

Het zomernummer van Roet is uut. Mit hierin onder anderen bijdrages van Chris Canter, Ria Westerhuis, Rouke Broersma en Suze Sanders.  De abonnees van Roet hebt het blad inmiddels al thuusestuurd ekregen. Niet abonnees kunt de neie Roet tegen betaling van 4 euro halen bij het Huus van de Taol. Ie kunt de Roet ok bestellen via de webwinkel www.drentheboeken.com Ie betaalt dan wel verzendkosten. Op de achterkant van de Roet de eerste zin uut Lena, het boek van Leny Hamminga, dat nou ok as E-book verkiegbaar is. Kiek veur meer informatie op www.drentheboeken.com In de ZomerRoet stiet een recensie van het boek deur André Degen.

Der wordt een speciale literaire bustour deur Noord-Drenthe organiseerd deur het Drents Archief, Arriva Touring en het Huus van de Taol. De reis giet langs monumenten en plekken die as verbunden bint an schrievers in Noord-Drenthe. De bustocht is op 14 juli en begunt om 9.30 uur bij het beeld van Bartje bij het Drents Archief in Assen. Um 17.30 uur eindigt dizze tour daor ok weer.

Op woensdag 21 juni wordde het leste paneel van het project Streektaalpoëzie in de Openbare Ruumte van het Huus van de Taol in de gemiente De Wolden onthuld. Op de foto ziej dat Keurnoot Jan Tijink het paneel mit het gedicht Panta Rhei van Martin Koster overdrag an Sonja van der Meer van het Drentse Landschap. Het paneel stiet vlak an de Reest bij het informatiecentrum ´t Ende bij De Stapel. Dit was het veerde en leste paneel van het project. De aandere drei bint Moedertaal van Gré Seidell Broekhuizen in het dorpshuus ´t Neie Punt in Rune, De Vredings Vurt van Marga Kool in het gemeentehuuus in Zuudwolde en Apostelboom van Ria Westerhuis bij de karke van Blijdestein bij Runerwold.

Pagina 1 van 41