Huizing, Lammert (1927-2013)

Lammert Huizing is geboren op Zuudwolde in 1927.
In 1949 is e redacteur-verslaggever worden van de Hoogeveensche Kraant.
Van 1966 tot 1992 hef e daor hoofdredacteur west. In die functie hef e de aandacht veur de Drèentse schrieverij en streekhistorie anpitjerd.
As amateur-historicus hef e onderzeuik daon naor ’t verleden van Zuudwolde, ’t Hoogeveine en de Drèentse jeuden.
Over dizze onderwaarpen hef e een koppel publiceerd.
Lammert Huizing is in 2013 oet de tied kommen.

 












Hieronder een keur oet zien publicaotsies:

  • Hoogeveen, Van Echtens Morgenland (1975),
  • Lezen in Hoogeveen (1979),
  • Technische School Hoogeveen 75 jaar (1982),
  • Gedenkboek Rabobank Hoogeveen (1986),
  • Driekwart eeuw Bouwvereniging Hoogeveen (1989),
  • De historie van Zuidwolde (1969),
  • Zeven eeuwen Zuidwolde (1975),
  • Zuidwolde zoals het was (1997).


Lammert Huizing was ok metwaarker an het Drents Woordenboek en hoofdredacteur van ’t kwartaolblad 'De Veenmol' van de Historische Kring Hoogeveen. Lammert Huizing hef ok een koppel bestuursfuncties had. Nao zien pensionering is e èendredacteur west van ’t Maondblad Drenthe.
In de loop van virtig jaor hef e honderden lezings geven over verscheiden onderwaarpen. Onder de schuulnaomen Huso, Dr. Geert van Bunen en Dick Karsijns hef e over historische, culturele en kerkelijke onderwaarpen schreven.
Lammert Huizing hef verscheiden onderscheidings kregen: de gemeeinte Hoogeveen hef hum in 1989 de erepenning in zilver geven; in 1994 hef ede Culturele Pries van Drenthe kregen. Hij was Hoogeveener van ’t jaor in 2003, en in 2004 is e erelid worden van de Historische kring Hoogeveen.

In 2007 hef Albert Haar van Rikrak Communications in opdracht van Stichting Drentse Taol een schrieverspetret saomensteld over Lammert Huizing.