Peters, Ton (1952)

De dichter Ton Peters wör geboren op 23 februari 1952 in Dieren, mor woont nou alweer jaoren in Elp. Hij Is leraor an de middelbaore schooul in Geeiten en daorveur an het Nassau-college in Beilen.

Ton Peters is dichter, hij publiceerde een stuk of wat bibliofiele oetgaoven die host niet meer te kriegen binnen; o.a. Lessen in gespletenheid, Paradijs van aktentassen en Repnik.

In Roet publiceerde hij o.a. light-verse gedichten. Met de Noord-Drèentse dichter Peter van der Velde hef e veur Roet light verse schreven waorbij beide dichters op mekaors wark reageerden.

In 2009 schreef e saomen met Jan Veenstra het Drèentse boekenweekkedo Dörpsstrraot oens dörp.

Jan Veenstra schreef veur dit geschenk körte prozateksten, Ton Peters de gedichten.

Hij was en is redactielid van het Drents Letterkundig Tiedschrift ROET.

Saomen met Gezienus Omvlee, Rob Boudestein en Ben Hoogland vörmt e het dichtersgezelschap De Loftrompet. In 2012 kwam van heur de Nederlandstaolige gedichtenbundel De dood en het peloton oet met 44 wielergedichten over wielrennersdie op een vrumde maneer oet de tied kommen binnen.

In december 2013 hef Ton Peters een solobundel uutegeven mit zien wark tot nou toe. De titel is Vanwege het getal. Gedichten tot 2013

Samen mit de dichters van het Ligt Verse Collectief (Gezienus Omvlee, Rob Boudestein en Ben Hoogland) stelde Ton Peters in 2014 de bundel Drenthe is best mooi (op Google Maps)samen. (Het Drentse Boek)

Ton Peters leverde een bijdrage an de twee van de drie mini-uutgaves die het Huus van de Taol bij speciale gelegenheden uutgeven hef. Mag Majesteit hier wel wonen (2013) en Deurtrappen! Op fietse deur Drenthe (2014).

In 2018 prissenteerde het Light Verse Collectief de bundel Binnenkort uitverkocht. (Het Drentse Boek 2018)