Weerd, Roelie de (1942)

Roelie de Weerd is in 1942 geboren op een boerderij in Eemster. Nao heur studie an de Hogere Tuunbouwschoel vertrök ze naor Australië, waor ze as gruunontwarpster en as hulp op een schaopenfarm warkt hef. Terugge in Nederland gaf ze les an de laegere Tuunbouwschoel in Delft. Daornao woonde ze enkele jaoren in Portugal en Indonesië. In 1986 gung ze terugge naor heur wortels in Drenthe. Nou woont ze in Amersfoort.

 


Roelie de Weerd schreef artikels en columns veur Bomennieuws, het tiedschrift van de Bomenstichting en warkte as eindredacteur mit an het boek 'Bomen en Wet' en was mede-auteur en eindredacteur van het boek  Bomen en Mensen. Zij publiceerde in Tuin en Landschap  en schreef een antal reisverhaolen over de outback in Australië.

'Allemaol fratsen' (Zuudwolde, 2005) is het debuut van Roelie de Weerd. Het bestiet uut een verzaomeling körte verhaolen mit jeugdherinnerings.

In 2010 wun Roelie de Weerd de daarde pries in de schriefwedstried van het Huus van de Taol bij de categorie gevorderde schrievers.

In 2016 prissenteerde zij een neie verhalenbundel Waorum geleuft gieniene mij nou? ( Het Drentse Boek, Beilen)

Zij wun mit de boek de Streektaolpries van het Dagblad van het Noorden van 2016.