Brans, Annije Maria (1963)

Annije Maria Brans is de schuulname van Marga Zwiggelaar. Zij gruide op in  't Hoogeveine en vetrök in 1980 hen Kampen um daor te gaon studeren an de Sociale Academie.
Ze warkte jaorenlang as opbouw- en jongernwarker in 't Hoogeveine en ondertussen studeerde ze Algemiene Cultuurwetenschappen. Zij rondde dat of in 1999. Van 2001 tot 2011 was ze an het waark in de museumwereld; zo was zij onder meer conservator van het Museum de 5000 morgen.
Annije Maria Brans publiceert regelmaotig in cultuur-historische tiedschriften, veural over specifiek Drentse onderwarpen. Ze hef een eigen cultureel en historsich adviesbureau en is ien van de mitoprichters van de levende geschiedenisgroep Die Luyden van 't Hooge Veine.

As Annije Maria Brans publiceerde Marga in 2007 veur het eerst heur Drentstalige gedichten in het boek Begraafplaatsen in de gemeente Hoogeveen.
In 2010 dee ze mit an de schriefwedstried van het Huus van de Taol. Der verschient regelmaotig gedichten van heur in het blad Roet.

Heur debuutbundel Niks is zo hiete as old ies kwam uut in 2015 bij Het Drentse Boek.