Bruins, Jan (1944)

Jan Bruins is geboren in Anloo. Nao dienst wordde e in 1965 verkoopassistent op een handelskantoor veur export van gruunte en fruit in Grunnen. Daornao was e bij diverse bedrieven warkzaam as directeur en har e een eigen exportbedrief. In 2006 haalde hij de titel MA in de germanistiek.
Jan Bruins wun verschillende priezen bij schriefwedstrieden van het Huus van de Taol. Hij hef publiceerd in Maandewark/ Oeze Volk, Dagblad van het Noorden en Zinnig. Zien verhalen bint miestal anekdotisch en vaak baseerd op een beheurlijke dosis feiten bestrooid mit een laogie fictie. Sommige gedichten bint een mengeling van melancholie en filosofie. Maar het liefst schref Bruins mit een humoristische inslag en pointe. Jan Bruins schref in het Midden-Drents mit een noordoostelijke inslag.

(Bron:Waor roet en blommen wortel schiet in 't veld. Geschiedenis van de Drentse literatuur 1945-2015 deur Henk Nijkeuter)

In 2011 wun Jan Bruins de limerickwedstried van het blad Maandewark / Oeze Volk

In 2016 kwam in eigen beheer Leesbevestigings uut. Een verzameling korte verhalen en gedichten.

 

Uut: Leesbevestigings:

Garderobe

Een oppassend paortien oet Assen
pasde bij De Kolk op de jazzen,
een baontien wat minnig,
dus zee ’t stel diepzinnig,
dat zie van de maantelzörg wazzen.