Nijnuis, Tea (1953)

Tea Nijnuis is geboren op 20 mei 1953 in Peize. Op de mulo begunde ze mit het schrieven van gedichten. Nijnuis is warkzaam ewest as ambtenaar bij de gemiente Peize en in die periode maakte ze veul gelegenheidsgedichten.Tea Nijnuis wordt ïnspireerd deur de gebeurtenissen in heur eigen umgeving.
Zij begunde te publiceren in het plaatselijke kraantie De Hopbel. Deur de samenwarking mit Albert Dubben en Joop Arnolli is heur eerste bundel Van hoes oet (2001, Servo) tot stand ekomen. (Tiekeningen van Marieke de Rooij.)
Veer jaar later kwam het vervolg Vandaog de dag (2005, Servo) uut. Opnei mit mitwarking van Joop Arnolli, en dizze keer bint de foto’s van Janny Buring en de tiekeningen van Truus de Weger. Nijnuis schref in de streektaal, umdat ze het belangrijk viendt dat dizze taal beholden blef. Buten het schrieven is Nijnuis actief mit De Sara’s, een duo dat ze mit een vriendin vormt. Het biedt een aovendvullend programma van gedichten en liedties, eschreven in de streektaal. De Sara’s is ontstaon uut een eerder duo, De Paaizer Wichter. Ok hiervoor schreef ze het programma in de streektaal.

(Bron:Waor roet en blommen wortel schiet in 't veld. Geschiedenis van de Drentse literatuur 1945-2015 deur Henk Nijkeuter)

In 2017 kwam Nao zoveul jaor(eigen beheer) uut.

Jeugd

knetterblauwe ijsies
en snoep zo gruin as gras
gaon met op onze reisies
van de zesde klas

kleurstofblauwe tongen
koppies vol met energie
muihaaid wordt verdrongen
op de oorties MP3

de jeugd gaait oet heur dak
bai zoveul naaiegheden
ik denk veur het gemak
mor an mien zuit verleden

Uut: Nao zoveul jaor