Grunneger dichter Willem Tjebbe Oostenbrink wint Johann Friedrich Dirkspries

13 feb 2017

De dichter Willem Tjebbe Oostenbrink hef mit zien Grunneger gedichtenserie Doar buten ien de wiede wereld de Johann Friedrich Dirkspries 2017 ewunnen. Dizze pries veur neie Nedersaksische literatuur wordt deur de stad Emden um de twee jaor toe- ekend.

De  gedichten Doar buten ien de wiede wereld umvat vief gedichten eschreven in 't Westerkwartiers: Broers, Voader en zeuns, Verwachteng ien wenk en bewegeng, Kort hollen en Vekaansie.

De pries is op 9 febrewari in Emden veur de daarde keer uutereikt. Veurige winnaars waren Gitta Franken en Jutta Oltmanns. Mit dizze pries wil de stad Emden 't Nedersaksisch als levende taol bevördern. 't Priezengeld van 2500 Euro evenas 'n bronzen beeldtie is beschikbaor esteld deur 't internationale bedrief Dirks Group Emden.

 

De stad Emden hef historische banden mit Grunning en Nederland. In de tachtigjaorige oorlog zöchten veul Nederlandse en Vlaomse vluchtelingen onderdak in Emden. In 't westen van Oost-Friesland was 't olde traditie Nederlands te praoten. 't Was de kerktaol en de schrieftaol veur Emders. Nog altied is der 'n Nederlandse Consul in Emden.