Jan, Jans en de fiets verkriegbaar vanof zaoterdag 21 april

Zaoterdag 21 april wordt de neie verhalenbundel van Jan Germs en Jans Polling prissenteerd. De schrievers van Jan, Jans en de fiets gaot op fietstoernee deur Drenthe en probeert op die manier aandacht veur heur neie boek te kriegen.
Bi'j niet in de gelegenheid um ze op heur tocht te ontmoeten dan kuj het boek kopen in de mieste Drentse boekhandels. Of ie koopt hum in het Huus van de Taol of in oonze digitale boekenwinkel www.drentheboeken.com Het boek kost € 12,50

Lös van mekaar besluut twee meer as volwassen kirrels, um een fietstocht van meerdere weken te maken. Hielemaol allén, dat ok nog. Zulden ze allebei een steekie lös hebben?
Of zit de bejaorde leeftied heur zo dicht op de nak dat der toch ies wat daon worden mot wat de mieste leeftiedgenoten niet meer doen zult? Zeg het maor ies. Het feit blef dat Jans Polling en Jan Germs allebei op de fiets stapt bint veur een langere reis.En beide fietsers hebt - al weer lös van mekaar - heur fietservaringen an 't papier toevertrouwd en die bent nou te lezen in Jan, Jans en de fiets.