OP ONTDEKKINGSTOCHT LANGS LITERAIRE HOOGTEPUNTEN IN DRENTHE

1 mei 2018

Doe mit an een busreis langs biezundere plekken die verbunden bint an Drentse schrievers. Literatuurkenner Harm Jan Lesschen nemp op vrijdag 25 mei  deelnemers mit naor de mooiste plekkies en verhalen uut de Drentse literatuur, van de 17e eeuw tot vandaag de dag. Het Drentse landschap en veural de Hondsrug was en is nog aal een inspiratiebron veur veul Drentse schrievers en de tegenstelling tussen het zaand en het veen hef dudelijk zien sporen achterelaoten in de Drentse literatuur. Naost veul informatie over taal en geschiedenis wordt deelnemers trakteerd op pakkende poëzie en proza, zowel in het Drents as in het Nederlands.
 


De tocht voert vanof Assen via Hooghaolen en Beilen naor Westerbork. Nao de koffiepauze giet de tocht via Wezup naor Zweeloo.  Via Old Aalden komp de bus in Oosterhesselen an bij havezate De Klencke. Vervolgens giet de tocht via Sleen en Schoonoord naor Borger. Dan giet het wieder naor Gasselte en Gieten, waor de lunch wordt enuttigd. Hier zal Gerard Nijenhuis een gastoptreden verzorgen. De reis giet wieder naor Gasselternijveen en dan tenslotte via Gasteren en Loon weer terug naor Assen.

Daotum, tied en plaats
Vrijdag 25 mei 2018, 8.30-ca. 17.30 uur. 
Deelnemers uut Grunnen kunt  instappen bij de halte rondvaartboot tegenover het Station van Grunnen (8.30 uur). In Assen kan men opstappen bij de Bonte Wever (9.00 uur) of bij het Station Assen (9.15 uur) Einde: 16:45 uur – 17.30 uur.


Kosten
€ 65 pp inclusief koffie/thee en een literaire lunch. Anmelden kan bij Arriva Touring per e-mail via Dit e-mailadres wordt beveiligd tegen spambots. JavaScript dient ingeschakeld te zijn om het te bekijken. of tijdens kantooruren telefonisch 050-5260268.