Mei / Harm Drent

mei

Weer 't veurjaor.

Wit en stil de lucht,

de weg.

Het boomgruin pril.

Een vogelvlucht

wiedweg.

Het licht dat hoog

en tastbaor dringt

naor d'olle grond.

Een blui die wit

verbiesterd blinkt

an tak en stronk.

Weer tikt het haart

zo obsternaot,

verwarmt, verkwikt

maor oet de maot.

Elk diertie het zien maot,

het jaor zien Mei,

de veurjaorsnacht is wild

van lust en dreumerij.

Het gef zon wied en waarm geluk,

as alles blinkt en bluit.

Het haart wordt zo verdretig stil,

wanneer de blui versnijt.


Harm Drent

Oet: Oeze Volk 1958