Jef Joek / Anne Doornbos

Anne Doornbos nuumt zien gedicht Jef Joek, die eigenlijk Geoff Duke heette en in de vieftiger jaoren een maol of vier de 500 CC in Assen wunnen hef.

 

Jef Joek

 

Mien pappe nam mij met naor Assen,

nog nooit was ik zo wied bij huus vandaon.

Een platte boerenwagen langs de baon

en eten veur de hiele dag in blauwe tassen.

 

Daarnao was bij de appelboom de Ruskenhoek,

het rechte end leup langs het olde kippenhok.

Mien pappe nam de tied op met zijn doeveklok.

De winnaor nuumde zich nog wekenlang Jef Joek.

 

Een vipbox hef de boerenkar vervangen.

De geur van smeltend rubber blef der hangen:

in dizze kringen is een burn-out een feest.

 

Mien jaoren liekt in dit verneid decor

wel rondetieden: alweer een baonrecord.

Ik mis Jef Joek. Mien pappe nog het allermiest.

 

Anne Doornbos

Uut: Een eerder laand