Vrolijk Kerstfeest / Hans Heyting

 

Vrolijk Kerstfeest

De dennenboom straolt en de heerd gluit zo rood -
En boeten oes hoes is de wereld in nood.
Want overal ontmoet wij de ogen van ’t Kind:
In de ogen van heur, die allennig bint.


Van de mèensk in de cel, die zien strafblad oetzit.
Van de zieke, die niet meer um beterschup bidt.
Van het volk, met de vrömde leers op de nek.
Van het kind dat verkommert van kolde en gebrek -


Oet doezenden ogen vol angst en verdriet.
Kek het kerstkind oes an, zunder woord of verwiet.
En wij? Wij viert feest in oes veilige hoes.
Wij eet en wij drinkt… God, heb meelie met óés!

Hans Heyting