Op woensdag 8 november hef Jannie Boerema heur neie bundel Leeive, Lieve Eva prissenteerd. Het eerste exemplaar was veur Marga Kool die de neie bundel uutbundig prees. De schriefster wet in riek Noordenvelds persoonlijke en universele ervaorings met mekaor te verbinden en lezers in het hart te raoken. Gedichten die as een biografie te lezen binnen in de vörm van een breeif an het overleden zussie dat ze nooit kend het. Heur gedichten binnen soms poëtisch, met kleurige beelden en mooie woordvondsten, maor soms ok haard en rauw en onontkombaor. Soms hebben ze de vörm van vrije verzen en soms liekt het proza, maor altied het het gedicht van Boerema een niet te missen eigen karakter. Dat mak Leeive Lieve Eva tot een weerdige opvolger van de veurige bundel Over de regenboog die algemeein as eein van de betere Drentse gedichtenbundels beschouwd wordt.Het boek is verkriegbaar bij de Drentse boekhandels of bij het Huus van de Taol en in oonze webwinkel.

Op vrijdag 10 november wordt tijdens de Literaire Hemel het 150e nummer van het Drents letterkundig tiedschrift Roet prissenteerd in café De Amer in Amen. Een interview mit Rouke Broersma én een gratis exemplaar van dit extra dikke jubileumnummer veur alle bezukers. Aandere gasten bij de Literaire Hemel bint: Marjolein van Heemstra en Jannie Regnerus over heur ontmoetingen mit Tsjêbbe Hettinga. Aanvang 20.30 uur. Meer informatie over risserveren in de folder.

 

 

Zundag 29 oktober kuj naor Taal an Taofel bij zaal Wielens in Noord-Sleen. Gasten bint dizze keer Marga Kool en Jan Veenstra veur de proza en poëzie en Annemiek Goelema veur de muziek. Aj wilt risserveren kuj hier de informatie vienden.

Op woensdag 11 oktober wordde het neie boek van Roelof Keen prissenteerd. Tijdens een gezellige bijeenkomst zag Op 't randtie het levenslocht. De eerste exemplaren waren veur Eric van Oosterhout,burgemeester van de gemiente Emmen en veur Roelof zien schoonmoe. De muziek wordde verzorgd deur Annemiek Drenthe en Ron Snippe. In zien tweede boek staot (humoristische) verhalen en gedichten die baseerd bint op de eigen avonturen van Roelof. Roelof Keen zit van jongs of af in een rolstoel, maar hij leeft zien leven mit bravoure. Zien verhalen beschrieft de avonturen op vakantiereizen over de hiele wereld en het dagelijkse leven dat hij op dezelfde manier wil leven as meinsen zonder beparking. Hij beschref hoe hij as rolstoeler bij de Efteling misselijk wordde in een attractie, hoe hij het probleem oploste van het vakantie-oppas-knien dat opevreten was deur de hond, hoe hij het dak van zien huis varfde en nog veul meer. Verhalen die zunder uutzundering een grote glimlach bij de lezer op het gezichte tovert. De geweldige illustraties in het boek bint van Gerrit Pomp. Ie kunt het boek bij de Drentse Boekhandels kopen of bij de webwinkel van het Drentse Boek.

 prissnetatie4prissentatie6prissentatie5prissentatie3

Het mus dervan komen. Nao het grote succes van zien eerste boek Dikke arms, korte bienties, is der nou Op ’t randtie. Schriever Roelof Keen uut Klazienaveen hef het in zien eerste boek veural over zien jeugd. In zien tweede boek staot (humoristische) verhalen en gedichten die baseerd bint op zien eigen avonturen, Roelof Keen zit van jongs of af in een rolstoel, maar Roelof leeft zien leven mit bravoure. Zien verhalen beschrieft de avonturen op vakantiereizen over de hiele wereld, maar ok over het dagelijkse leven dat hij op dezelfde manier wil leven as meinsen zonder beparking. Hij beschref hoe hij as rolstoeler bij de Efteling misselijk wordde in een attractie, hoe hij het probleem oploste van het vakantie-oppas-knien dat opevreten was deur de hond, hoe hij het dak van zien huis varfde en nog veul meer.
Verhalen die zunder uutzundering een grote glimlach bij de lezer op het gezichte tovert. De geweldige illustraties in het boek bint van Gerrit Pomp. Het boek is vanof 11 oktober verkriegbaar bij de Drentse boekhandels, het Huus van de Taol en via de webwinkel www.drentheboeken.com

De overkaant van het waeter is de leste dichtbundel van Johan Veenstra uut het Stellingwarfse Nijeholtpade. Hij giet vanof nou allent nog verhalen en romans schrieven. Johan viendt dat hij de autobiografische thema's in zien gedichten genog hef uutewarkt. Zoas e zelf zeg: Ie moe'n d'r niet over deurmierken blieven, aanders wodt et vervelend. Volgend jaor komp der een nei spannend verhaal uut van Johan Veenstra. De warktitel is De ofrekening.

In Maison en France (een tiedschrift veur liefhebbers van Frankriek die alles weten wilt over huzen, wonen, leven en warken in Frankriek) stiet het boek van Dick Blancke Twei ezels en meer ... vermeld. Dat is toch wel biezunder: een Drents boek in een tiedschrift over Frankriek. Aj het boek van Dick Blancke kopen wilt, moej even hier klikken.

Der bint nog zes extra opvoeringen in-epland veur de theaterveurstelling van Koloniekak in Veenhuzen. Het toneelstuk dat emaakt is naor het boek Koloniekak van Mariët Meester is hiel succesvol ewest. De schriefster hef veur het boek veul (old) Veenhuzers bevraogd en maakte zo een persoonlijk portret van Veenhuzen in de 20e eeuw. De leste daotums van de toneelveurstelling, die in Coco Maria opevoerd wordt, bint: vrijdag 8 september, 29 september en 6 oktober; zundag 29 oktober, vrijdag 17 november en zaoterdag 18 november. Risserveren kuj bij www.koloniekak.nl Aj het boek wilt kopen kuj hier klikken.

Pagina 4 van 45