Bij Artelier Aelder Hooghe in Aalden leest Suze Sanders, Anne Doornbos en Klaas Koops op zundag 11 september veur tussen 14.00 en 16.00 uur. Dat doet de drie Drentse dichters ter gelegenheid van de leste expositie van de KunstRoet. Vervolgens kan het publiek met de dichters een deel van de literaire route langs de poëziepanelen wandeln.

De boeken Harm, Boerenlèven an de Riest en Harm, de boer van 't Hogelaand van Lukas Jonker bint nou in het Nederlands vertaald deur Bart Kuijer. Het boek is uutegeven bij Uitgeverij Heijink en via dizze link kuj het boek bestellen: http://heijink.mijnbestseller.nl/books/100722 De verhalen van Harm bint in 1928 publiceerd in de Provinciale Overijsselsche en Zwolsche Courant en verschenen in 1929 in boekvorm.

De Grunniger dichter Are Meijer hef de Freudenthal-Preis 2016 ewunnen. Hij is de viefde Nederlander die dizze pries kreg. De Freudenthal-Preis is de oldste (sinds 1957) en belangriekste streektaalpries veur het Nedersaksisch taalgebied. Eerdere Nederlandse winnaars waren Henk Krosenbrink, Jan Glas, Aly Freije en Nina Werkman, terwijl Zuidhorner Willem Tjebbe Oostenbrink in 2010 de Freudenthal-anmoedigingspries kreeg. Are Meijer mut zien pries delen mit de Duutse schriefster Jutta Oltmanns.

Waor roet en blommen wortel schiet in 't veld is nou ok verkriegbaar as e-book. Op de webwinkels van de grotere boekhandels kuj het boek downloaden. De Drentse literatuurgeschiedenis deel II, van 1945 tot 2015 wordde dit jaor oferond deur Henk Nijkeuter en kwam uut in mei 2016. Deel I kuj as PDF bestand downloaden op dizze website.

Drie jaor eleden wordde het beeld van Max Douwes uut de Zietak esteulen. Kunstenaar Lia Krol uut Erichem hef een neie emaakt van gietiezer. En die is op 3 juni onthuld in het bijzijn van de zeun en de dochter van Max Douwes. Initiatief veur het beeld komp van de Historische Vereniging Carpsel Oderen.Kiek ies naor het filmpie op RTV Drenthe.

Op 25 mei is in het Huus van de Taol in Beilen het boek Nakende wiefies uutekomen. Jent Hadderingh hef het boek samenesteld mit behulp van de website Schuppies en Schoegies. In het boek dat as ondertitel Spannende volksnamen in Drenthe voor wilde planten wordt Drentse plantennamen verklaard an de haand van het gebruuk in het dagelijks leven. Vorm en kleur bint dan miestal belangriek, maar ok bijgeleuf en medicinale warking speult een rol bij de naamgeving.

HarmG Sijnstra komp mit een neie bundel. Harm, die regelmaotig gedichten publiceert in Roet en in Maandewark hef de bundel in eigen beheer uutegeven. Aj de bundel hebben wilt, dan kuj contact opnemen via Dit e-mailadres wordt beveiligd tegen spambots. JavaScript dient ingeschakeld te zijn om het te bekijken. of via de telefoon 050 4093587. De bundel kost € 12,50. Bij de gedichten is wark van beeldend kunstenares Rika Hilbolling eplaatst.

Stichting Taalpodium Emmen (STEM) organiseert in het kader van De nacht van de nacht een Korte-Verhalenwedstried. Het thema is Duister

Pagina 9 van 45