Drents liedtiesfestival - Huus van de Taol

Drents liedtiesfestival

Stichting REUR organiseert ien keer per jaor in samenwerking met RTV Drenthe het Drents Liedtiesfestival.
Het liedtiesfestival probeert muzikanten en tekstschrievers te stimleren um meer Drentstalige kwaliteitsmuziek te maken.
De ingezunden liedties wordt deur de Warkgroep Muziek van het Huus van de Taol beoordeeld. Uit alle inzendings wordt de beste tien sillecteerd veur de finale.
De finale wordt uutezunden deur RTV Drenthe. Het Drentse publiek stemt via sms op hun favoriete liedje. Een vakjury beoordeelt de inzendings.
Beide uutslagen bepaalt samen de uuteindelijke winnaar van het Drents Liedtiesfestival.

Winnaars:
2012: Annemiek Drenth (ik ben zo wies)
2013: Willem Fledderus (Nei doel)
2014: Gerrit Denekamp (Zundagskind)
2015: Linda en Suzanne Kannegieter (Ik geleuf niet meer in liefde)
2016: Rik Vinke (Eem lös van alles)
2017: Isa Zwart (Mamme see)

Het Drèents Liedtiesfestival 2017 is ewunnen deur Isa Zwart mit Mamme see. Het festival wordde eholden in het Atlas theater in Emmen. Kiekers van RTV Drenthe kunden mitstemmen, maar de mening van vakjury weug het zwaorst. Lilian van Lottum eindigde mit heur lied Rustig aan, schat op de tweede plek. De broers Thomas-Timo en Douwe Bruinsma wordden daarde mit Aj wat liefde hebt. Op de foto: Isa Zwart in het midden, links tekschriever Roy Keuter en rechts tweede zangstem Charlotte van der Velde. De muziek van Mamme see is eschreven deur Rowdy Prins.

De tien finalisten van het Drèents Liedtiesfestival bint bekend! Op 25 mei gaot zij in het Atlas Theater in Emmen strieden um de eerste plek. De deelnemers en heur nummers: Harold Veenhoven mit Moes en Tieben, Annemiek Goelema mit Klein meidtie!, Jeanette Croezen mit Wieder, Aosem mit Veurbij, Martin Hummel mit Kathmandu, Annemiek Goelema mit Mien huus!, Lilian van Lottum mit Rustig aan, schat, Van Deele mit Jenever Jan, Isa Zwart mit Mamme see en Thomas-Timo en Douwe Bruinsma mit Aj wat liefde hebt. Ie ziet dat Annemiek Goelema mit twee nummers bij de leste tien is eplaatst. Zij zal volgens de regels veur ien van dizze twee een aandere zanger of zangeres mutten zuken. De tien nummers bint bekend emaakt in het RTV Drenthe programma Volkooren. Het Drèents Liedtiesfestival wordt organiseerd deur de Stichting Reur. Kaorties kuj via het Atlas theater bestellen.

Tot 13 april kuj oen liedtie insturen um mit te doen an het Drents Liedtiesfestival 2017. Hen Stichting REUR, Laan van de Marel 30, 7823 CA Emmen
of via wetransfer.com hen: Dit e-mailadres wordt beveiligd tegen spambots. JavaScript dient ingeschakeld te zijn om het te bekijken. o.v.v. DLF17.Meer informatie op http://www.drentsdlf.nl/

Het Drèents Liedtiesfestival (DLF) wordt veur de zesde maol organiseerd met as doel het schrieven, oetvoeren en vastleggen van neie Drèentstaolige kwaliteitsmeziek. De organisatie -Stichting REUR- rop alle mezikaanten en tekstschrievers van Drèentstaolige meziek op um liedties in te sturen.

De Dutch Country Music Association (DCMA) hef vier Drentse artiesten nomineerd veur een countrypries. Bij de genomineerden heurt Rik Vinke en Suzanne en Linda Kannegieter. Zij wunnen in de ofgelopen twee jaor het Drents Liedtiesfestival.

Zij bint nomineerd veur de titel Meest belovende act van het jaar. Kiek veur de aandere genomineerden.

Het liedtie Eem lös van alles waormit Rik Vinke het Drèents Liedtiesfestival wun is nou verkriegbaar in de Kiepshop. Ok het liedtie Trots op mij waormit Annemiek Goelema an het festival mitdeed is hier te koop. En nog meer muziek! Kiek maar even!

Rik Vinke hef het viefde Drèents Liedtiesfestival ewunnen mit zien liedtie Eem lös van alles. Op de tweede plek eindigde Douwe Bruinsma mit Vief letters en Ineke de Jong wordde daardes mit Dit is mien laand. Rik Vinke hef tweeduzend euro ewunnen te besteden an een muziekopname of het maken van een videoclip.

 

Veur het Drents Liedtiesfestival op 11 juni in het neie Atlastheater in Emmen kuj kaorten bestellen via www.kiepshop.nl De jury bestaond uut René Karst, Carlo Deuten Marjolein Scherphuis, Edwin Jongedijk en Ronald Buld hebt de onderstaonde tien nummers uutekeuzen die as mitdoen zult an de finale van het Drents Liedtiesfestival op 11 juni a.s. Kiek naor het filmpie op RTV Drenthe

De tien liedties die metdoen mugt in de finale van het Drents Liedties Festival bint oetkeuzen. René Karst, Carlo Deuten Marjolein Scherphuis, Edwin Jongedijk en Ronald Buld is het nao goed lustern, goed lezen en veul kopschrabberijen oeteindelijk lukt van de 37 liedties der tien oet te kiezen. Op elf juni ankommend live te zien op TV Drenthe vanoet het Atlas Theater in Emmen. Kaorties verkriegbaar via www.kiepshop.nl

Suzanne en Linda Kannegieter wunnen in mei 2015 het Drèents Liedtiesfestival. De ofgeleupen weke is het liedtie openeumen in de studio. Het winnen van het festival hef de maagies gien wiendeier elegd. Zij wordt vaak evraogd um op te treden en zij wordt herkend op straote. Van de openeumen single wordt in Hilversum een mastertape emaakt. In het naojaor kuw dizze beluustern.