Drents liedtiesfestival - Huus van de Taol

Drents liedtiesfestival

Stichting REUR organiseert ien keer per jaor in samenwerking met RTV Drenthe het Drents Liedtiesfestival.
Het liedtiesfestival probeert muzikanten en tekstschrievers te stimleren um meer Drentstalige kwaliteitsmuziek te maken.
De ingezunden liedties wordt deur de Warkgroep Muziek van het Huus van de Taol beoordeeld. Uit alle inzendings wordt de beste tien sillecteerd veur de finale.
De finale wordt uutezunden deur RTV Drenthe. Het Drentse publiek stemt via sms op hun favoriete liedje. Een vakjury beoordeelt de inzendings.
Beide uutslagen bepaalt samen de uuteindelijke winnaar van het Drents Liedtiesfestival.

Winnaars:
2012: Annemiek Drenth (ik ben zo wies)
2013: Willem Fledderus (Nei doel)
2014: Gerrit Denekamp (Zundagskind)
2015: Linda en Suzanne Kannegieter (Ik geleuf niet meer in liefde)
2016: Rik Vinke (Eem lös van alles)
2017: Isa Zwart (Mamme see)
2018: Melissa Meewisse (De wind van zuud)

De tien liedties die metdoen mugt in de finale van het Drents Liedties Festival bint oetkeuzen. René Karst, Carlo Deuten Marjolein Scherphuis, Edwin Jongedijk en Ronald Buld is het nao goed lustern, goed lezen en veul kopschrabberijen oeteindelijk lukt van de 37 liedties der tien oet te kiezen. Op elf juni ankommend live te zien op TV Drenthe vanoet het Atlas Theater in Emmen. Kaorties verkriegbaar via www.kiepshop.nl

Suzanne en Linda Kannegieter wunnen in mei 2015 het Drèents Liedtiesfestival. De ofgeleupen weke is het liedtie openeumen in de studio. Het winnen van het festival hef de maagies gien wiendeier elegd. Zij wordt vaak evraogd um op te treden en zij wordt herkend op straote. Van de openeumen single wordt in Hilversum een mastertape emaakt. In het naojaor kuw dizze beluustern.

Suzanne en Linda Kannegieter hebt donderdagaovond 14 mei het Drèents Liedtiesfestival ewunnen, mit Ik geleuf niet meer in liefde. De tweede plek haalde Melissa Meewisse mit Zaoterdag en as daarde kwam de band Bezik mit het lied Oos hart uut de bus. De eerste pries bestiet uut een bedrag van tweeduizend euro um te besteden an een muziekopname of het maken van een videoclip.De jury bestund uut zanger René Karst, radiomaker Bert Haandrikman en muzikant Ronald Buld, namens het Huus van de Taol.

Suzanne en Linda Kannegieter hebt in mei het Drents Liedties Festival wunnen met Ik geleuf niet meer in liefde. Dit prachtige nummer is op cd zet en wordt zaoterdag 26 september um 14.00 uur prissenteerd. Dat gebeurt tiedens het Lös Huus van 't Huus van de Taol in Beilen. De cd kuj vanof die dag via iTunes bestellen.

Het neie nummer van de band Bezik het Op de TT. Het lied is veurige week openeumen in een studio in Nei-Amsterdam. Bezik vund het wel ies weer tied veur een Drentstalig TT-lied.

Pagina 2 van 2