Koop kaorties veur de finale van de Zing-inn op 18 meert

Zaoterdagmorgen 11 febrewari deden der 35 deelnemers mit an de allereerste repetitie van het neie koorproject Zing-inn Drentstalige Liedties op Tournee. Onder leiding van Jan Smale giet dit projectkoor in zaal Meursinge in Börk an de slag um neie Drentstalige liedties in te studeren.  De leste koormappen mit liedteksten en oefen-cd bint nog te koop bij het Huus van de Taol in Beilen. Der is met name nog ruumte veur mannenstemmen. Veur de finale op 18 meert kuj kaorties in veurverkoop halen bij het Huus van de Taol. Zij kost dan 5 euro i.p.v. € 7,50


Der bint drie veurrepetities (11 febrewari, 25 febrewari en 4 meert 2017) bij Meursinge in Börk. Het ofslutende concert zal in de Voorhof in Börk plaatsvienden op 18 meert. De A-fanfare van Excelsior Oosterhesselen zal op die dag de liedties begeleiden.

Tijdens de repetities zult der liedties van Lucine Oetsen, Andries Middelbos, Ria Pronk, Herman Schepers en Martijje! instudeerd worden.
Met heur liedties as Ik kan haoste niet geleuven, Demente Blues en Mit de Noorderzunne stunden de makers in de finale van ien van de veurgaonde edities van het Drents Liedties Festival (een initiatief van Huus van de Taol en RTVDrenthe). Dizze Drentstalige zangers en zangeressen hebt ofgelopen jaor opetreden op tijdens concerten van amateurorkesten in het kader van het project Dreentse Liedties op Tournee deur Drenthe.


Het Huus van de Taol warkt mit.
“Met het organiseren van een Drentstalig koorproject rondom deze liedjes willen wij als Stichting Betoeterd bijdragen aan de promotie van de Drentse taal en de Drentstalige muziek”, vertelt Jeannet Boverhof. “Samen in je eigen dialect zingen, of juist een dialect léren zingen, brengt mensen op een gezellige manier bij elkaar!”.
Jan Germs (directeur Huus van de Taol) draagt het project een warm hart toe: “Samen zingen in het Drèents gef inhold an de Drèentse identiteit. Daorum wark wij geern met an de eerste Zing-inn, die op 18 meert in Westerbörk plaotsvindt. De Zing-inn wordt een muziekdag waorin het Drèents centraal stiet. Zingen in de streektaol is een geweldige manier um het dialect tot oetdrukking te brengen én um mèensen dermet in anraking te brengen. Veural umdat in dit preject eigentiedse Drentstaolige liedties rippeteerd en live zungen wordt deur en veur een hiele koppel inwoners van Drenthe, understeun wij de Zing-inn van harte. Met mekaar hoop we der een prachtig preject van te maken”.


Kiek op de website veur alle informatie: http://betoeterd.nl/zing-inn/


En kiek naor dit filmpie over de bewarking van het lied Daniël van Martijje.

Media