Peter en de Wolf in Borger-Odoorn

10 apr 2017

In de gemiente Borger-Odoorn wordt op 11 april twee maol het muzikale sprookie Peter en de Wolf opevoerd. Basisschoeleleerlingen uut die gemiente bint de leste tied drok in de weer ewest mit dit muzikale wark van Sergeri Prokofiev. Tijdens de opvoering zal de muziek verzorgd worden deur het Eolian Ensemble en zal Martijje het bijbeheurende Drentse verhaal vertellen.

Sinds 2008 wordt de Drentse versie van Peter en de Wolf (het muzikale sprookie eschreven deur Sergei Prokofiev) opevoerd. Van de verteltekst is een Drentse versie emaakt. De groepen 5 en 6 van basisschoelen in verschillende gemeentes in Drenthe kriegt veurbereidende lessen, waarin ze deur middel van een warkboek (prachtig illustreerd deur Ron Verbrugge) kennismaken mit het verhaal en de Drentse taal. Docenten kunt gebruuk maken van het digiboard en een cd. Dit materiaal wordt samen mit de warkboekies eleverd. As afsluiting van de lessen wordt der een concert egeven waorin de verschillende liedjes en het muzikale sprookie espeuld wordt.Tijdens dit concert vertelt Harm Dijkstra of Martijje op enthousiaste manier het verhaal, ondersteund deur de afbeeldings die de kinderen kent uut heur warkboekie.
Peter en de Wolf is een project van Centrum veur Kunst en Cultuur en het Huus van de Taol.

Um alle schoelen in Drenthe en dus alle kiender te kunnen laoten genieten van dit muzieksprookie kreg Peter en de wolf in het Drents in de loop van 2017 een plekkie op de onderwieswebsite www.wiesneus.nl. Daor is nou al hiel veul Drentstalig materiaal te vienden en mit Peter en de wolf in het Drents wordt www.wiesneus.nl nog weerdevoller!