Peter en de wolf in het Drents

2 mei 2015

Peter en de Wolf in het Drents is een samenwarkingsproject van het Noord-Drents kamerorkest Divertimento, ICO, Centrum veur Kunst & Cultuur en het Huus van de Taol.

 



Sinds 2008 wordt de Drentse versie van Peter en de Wolf (het muzikale sprookie eschreven deur Sergei Prokofiev) opevoerd. Van de verteltekst is een Drentse versie emaakt. De groepen 5 en 6 van basisschoelen in verschillende gemeentes in Drenthe kriegt veurbereidende lessen, waarin ze deur middel van een warkboek (prachtig illustreerd deur Ron Verbrugge) kennismaken mit het verhaal en de Drentse taal. Docenten kunt gebruuk maken van het digiboard en een cd. Dit materiaal wordt samen mit de warkboekies eleverd.

As afsluiting van de lessen wordt der een concert egeven waorin de verschillende liedjes en het muzikale sprookie espeuld wordt.Tijdens dit concert vertelt Harm Dijkstra (of in Tynaarlo deur Martijje) op enthousiaste manier het verhaal, ondersteund deur de afbeeldings die de kinderen kent uut heur warkboekie. Inmiddels is Peter en de wolf opevoerd in de gemiente Aa en Hunze, Noordenveld, Borger-Odoorn, Westerveld, Midden-Drenthe, Tynaarlo en Assen.