Het Stempalet uut Peize hef het Drents Liedtiesfestival ewunnen. De afgelopen maond zungen twaalf groepen uut hiel Drenthe in drie spannende veurrondes de longen uut heur lief um een plek in de finale te behalen. Der bleven uuteindelijk drie kanshebbers over. De twee aandere finalisten waren de kiender van Zing eens Aa uut Rolde en het Toonkunstkoor uut Emmen. Tijdens het Drents Kinderliedtiesfestival zungen kiender liedties van het muziekpakket Het Jaor Deur. Dit pakket bestiet uut twintig spiksplinterneie Drentse kienderliedties die over de hoogtijdagen veur kiender gaot. RTV Drenthe en het Huus van de Taol warkten samen an het Drents Kinderliedtiesfestival.

Vanof zaoterdag 3 december op tillevisie: het Drents kinderliedtiesfestival! Kiender uut Drenthe zingt neie Drentse kienderliedties over de biezundere dagen in het jaor. Josien van Beek, Erwin Hiddingh en Bert Rossing zit in de jury. Zij beoordeelt de liedties en kiest elke oflevering een finalist. In drie spannende veurrondes probeert de kiender een plek in de finale te bemachtigen. Maar daor is slechts plek veur drie finalisten! Zaoterdag 3 december um half 8 op RTV Drenthe! De volgende uutzendings bint op 10 december en 17 december en de finale is op 24 december.

Op 12 november is het allereerste Drentse kinderliedtiesfestival Het Jaor Deur openeumen deur en bij RTV Drenthe. Uut elke Drentse gemiente deden der kiender mit en wat wàs het spannend. Wie de uuteindelijke winnaar is eworden is vanzelf bekend, maar dat gauw lekker nog lange niet verklappen! Gao maar kieken in 3 december, 10 december, 17 december en de finale op 24 december, want de veurrondes en de finale bint dan op RTV Drenthe te zien. Wie het kinderliedtiesproject Het Jaor deur wil bestellen, kan terecht op www.drentheboeken.com

De Dutch Country Music Association (DCMA) hef vier Drentse artiesten nomineerd veur een countrypries. Bij de genomineerden heurt Rik Vinke en Suzanne en Linda Kannegieter. Zij wunnen in de ofgelopen twee jaor het Drents Liedtiesfestival.

Zij bint nomineerd veur de titel Meest belovende act van het jaar. Kiek veur de aandere genomineerden.

Theatergezelschap Iemandsland giet Roegzand speulen. Het wordt espeuld in dezelfde schure in Nieuw Buinen waoras ok Iemandsland opevoerd wordde. Roegzand wordt een streekvertelling mit science fiction. Het speult zich of in 2028 en de Veenkoloniën bint veraanderd in een woestenij mit zaandstormen. O. a. Erik Harteveld en Arno van der Heyden speult mit en de muziek wordt verzorgd deur Bert Hadders en de Nozems.

Het kienderliedtiespakket Het Jaor Deur (Mit Drentse Kinderliedties) is klaor! Um dit te vieren, overhandigt de projectgroep het eerste pakket (boek plus twee cd's) op donderdag 13 oktober a.s. om 12:30 uur samen mit basisschoelkiender an gedippeteerde Cees Bijl. Een koppeltie kiender zal dan ok ien van de twintig neie liedties laoten heuren. De liedties bint speciaal emaakt veur de speciale momenten in een jaor, zoas SInterklaos, verjaordag, schoelreis enz. Zij bint de basis veur het kinderliedtiesfestival in december op TV Drenthe. Het pakket is vanaf 13 oktober verkrijgbaar via het Huus van de Taol en boekenzaken in Drenthe en kost € 25,–. De liedjes zijn daarnaast ook digitaal te verkrijgen via online diensten als iTunes en Spotify. Meer informatie over het project kuj vienden via de website www.hetjaordeur.nl of via Dit e-mailadres wordt beveiligd tegen spambots. JavaScript dient ingeschakeld te zijn om het te bekijken. of Dit e-mailadres wordt beveiligd tegen spambots. JavaScript dient ingeschakeld te zijn om het te bekijken. De projectgroep ‘Het Jaor Deur’ (Met Drentse Kinderliedties)’  bestiet uut zangeres Martijje, Jan Germs (Huus van de Taol), Jan Kruimink (Stenden Hogeschool Pabo Emmen) en Marinus Scholten (MS Muziekeducatie). RTV Drenthe is partner in het project. Kiek naor het neisbericht.

Tijdens de conferentie over het Nedersaksisch op 28 september in het Europarlement in Brussel, treedt het Nedersaksisch Vocaal Ensemble op. Het NsVE is der barre bliede mit dat ze uuteneudigd bint um dizze conferentie muzikaal te omliesten mit een aantal van heur liedties uut het Nedersaksische repertoire. Het koor bestiet ok nog ies tien jaor dus dit optreden komp machtig mooi uut! Alle 22 leden van het koor gaot mit naor Brussel.

 

 

Op donderdag 13 oktober wordt Het Jaor deur prissenteerd. Het eerste exemplaar zal in ontvangst eneumen worden deur gedippeteerde Cees Bijl. Het Jaor Deur is een nei kienderliedtiesproject mit twintig neie Drentse kienderliedties die ezungen kunt worden bij feestdagen en speciale momenten het jaor deur. Dizze liedties zult onderdeel worden van een kindersongfestival dat eind december deur RTV Drenthe op veer zaoterdagen uutezunden zal worden. Ie kunt het liedtiespakket binnenkort kopen in de boekhandel, maar ok bij www.drentheboeken.com

Pagina 5 van 16