Hol ie van zingen? Liekt het oe wat um op de tillevisie te komen? Viej het mooi um in het Drents te zingen? Geef oe dan op veur het kindersongfestival Het Jaor Deur !

Bij het project Drentse Liedties op tournee deur Drenthe kunt Drentse muziekverenigingen beschikken over een aantal liedties uut het archief van het Drèents Liedtiesfestival. Professionele arrangeurs hebt liedties geschikt emaakt veur harmonie/fanfare-bezetting.  Alle deelnemende Drentse orkesten kriegt de bladmuziek veur niks. Het project bestiet uut een aantal concerten i.s.m. Drentstalige singersongwriters als Martijje, Lucine Oetsen, Ria Pronk, Herman Schepers en Andries Middelbos. Op 30 september organiseert SDG Juliana uut Valthermond/Nieuw Weerdinge het eerste concert in dizze reeks in Cultureel Centrum Kerk No.11, in Valthermond.

Het liedtie Eem lös van alles waormit Rik Vinke het Drèents Liedtiesfestival wun is nou verkriegbaar in de Kiepshop. Ok het liedtie Trots op mij waormit Annemiek Goelema an het festival mitdeed is hier te koop. En nog meer muziek! Kiek maar even!

Kapitein Kolk, het Orakel van Beurthinge, globetrotter en schuinsmarcheerder, vecht al zien hiele leven tegen alle vaste regels. Samen mit zien veer muzikale zeuns trekt hij de komende zomer (eind juni tot begun augustus) deur Drenthe mit zien veurstelling De Kronieken van Kapitein Kolk. Het is een productie van Iemandsland.

Rik Vinke hef het viefde Drèents Liedtiesfestival ewunnen mit zien liedtie Eem lös van alles. Op de tweede plek eindigde Douwe Bruinsma mit Vief letters en Ineke de Jong wordde daardes mit Dit is mien laand. Rik Vinke hef tweeduzend euro ewunnen te besteden an een muziekopname of het maken van een videoclip.

 

Veur het Drents Liedtiesfestival op 11 juni in het neie Atlastheater in Emmen kuj kaorten bestellen via www.kiepshop.nl De jury bestaond uut René Karst, Carlo Deuten Marjolein Scherphuis, Edwin Jongedijk en Ronald Buld hebt de onderstaonde tien nummers uutekeuzen die as mitdoen zult an de finale van het Drents Liedtiesfestival op 11 juni a.s. Kiek naor het filmpie op RTV Drenthe

In de Wiesneus van dit jaor stund een verhaal over Mooi Wark. De Fanclub van Mooi Wark hef het verhaal openeumen in heur Siepelneis, het liefblad van elke siepelrock(st)er. Schriever Dick Blancke gaf mit plezier toestemming veur het plaatsen.

As deelnemer an het project Drentse Liedties op tournee deur Drenthe kunt Drentse muziekverenigingen beschikken over een aantal liedties uut het archief van het Drèents Liedtiesfestival. Professionele arrangeurs maakt liedties geschikt veur harmonie/fanfare-bezetting.  Alle deelnemende Drentse orkesten kriegt de bladmuziek veur niks. Veur meer informatie kiek op de website van Stichting Betoeterd. Het project wordt ofesleuten mit een grote opvoering in het veurjaar van 2017! Op donderdagaovend 12 mei woj op de hoogte ebracht van de leste neigies! Um half 8 in het Huus van de Taol!

Pagina 6 van 16