De band Normaal bestiet niet meer, maar streektaol en rockmuziek blef vanzelf een starke combinatie. Wie wordt heur opvolgers die het dialect hoge hebt? Umroep Gelderland en RTV Oost gaot in een achtdelige TV-serie op zuuk naor de dialectrockers nao Normaal. Welke muzikanten zingt in het plat en hoe brengt ze 't over op het publiek? Kiek op heur site veur meer informatie.

De tien liedties die metdoen mugt in de finale van het Drents Liedties Festival bint oetkeuzen. René Karst, Carlo Deuten Marjolein Scherphuis, Edwin Jongedijk en Ronald Buld is het nao goed lustern, goed lezen en veul kopschrabberijen oeteindelijk lukt van de 37 liedties der tien oet te kiezen. Op elf juni ankommend live te zien op TV Drenthe vanoet het Atlas Theater in Emmen. Kaorties verkriegbaar via www.kiepshop.nl

In de Winsinghhof in Roden is de Dagblad van het Noorden Streektaalpries 2015 uutreikt. In de categorie Literatuur gung de pries naor de Stellingwarver schriever Johan Veenstra mit zien bundel Een vrouw van ivoor. In de categorie Muziek en audiovisuele producties was oes eigen Martijje de winnaar mit heur cd Evenwicht. Johan en Martijje van harte gefeliciteerd!!

As deelnemer an het project Drentse Liedties op tournee deur Drenthe kunt Drentse muziekverenigingen beschikken over een aantal liedties uut het archief van het Drèents Liedtiesfestival. Professionele arrangeurs maakt liedties geschikt veur harmonie/fanfare-bezetting.  Alle deelnemende Drentse orkesten kriegt de bladmuziek veur niks. Veur meer informatie kiek op de website van Stichting Betoeterd. website van Stichting Betoeterd. Het project wordt ofesleuten mit een grote opvoering in het veurjaar van 2017!

Het Jaor Deur (met Drentse kinderliedties) is een nei kienderliedtiesproject mit twintig neie Drentse kienderliedties die ezungen kunt worden bij feestdagen en speciale momenten het jaor deur. Dizze neie liedties zult onderdeel worden van een kindersongfestival dat eind december deur RTV Drenthe op veer zaoterdagen uutezunden zal worden.

Net as veurig jaor wordt der veurofgaond an het Drèents Liedtiesfestival netwerkdagen organiseerd. De finale op 11 juni zal eholden worden in het neie Atlastheater in Emmen!

Olaf Vos maakte namens VandeStraat (popliedjes op zien Grunnings) een vrije vertaling van Michael Jackson's Billy Jean onder het motto 't kin ok aans. Grunnen TV maakte der een filmpie van.

Gerrie van der Veen hef een neie cd prissenteerd. De cd mit de name Tijdelijk, bevat vier nummers, twee over de geschiedenis van Emmen en iene over zien woonplaats Klazienaveen.

Pagina 7 van 16