Op 8 jannewari os de clip Hoe Hard Dan Ok De Wind Weit’ van Martijje uutekomen. Het liedtie is onderdeel van Martijje's Drentstalige album Evenwicht . Negen nummers mit een frisse en swingende balans tussen jazz, pop, en samba. 

Op 26 februari komp de neie cd Aosem van Daniël Lohues uut. Via Twitter leut Daniël alvast het eerste nummer Waor gaon we naor toe heuren. Vanof volgende maond giet e mit zien neie theaterveurstelling, het laand in. 

Nao zeuven jaor stilte giet de familie Karst weer het theater in mit Kerst mit Karst. Zeuventien jaor lang voerden zij het programma op in de Tamboer in 't Hoogeveine. En nou volgt volgend jaor de herstart! Naost muziek is der in het programma ok volop ruumte veur Drentse verhalen en gedichten.

 

Op 31 december zendt Radio Drenthe tussen 13.00 en 17.00 uur de eerste editie van de Drentse 30 uut. Een lieste mit allent maar Drentse producten. Artiesten uut Drenthe of artiesten die uut Drenthe koomt.

Bert Hadders prissenteert zien eerste Songbouk.In dit boek een koppel teksten diej lezen kunt as poëzie, maar diej ok hardop mit mugt zingen. In het Songbouk foto's van Robert van der Molen. Ie kunt het boek bestellen bij rockink.nl

De officiële videoclip van Martijje van heur neie album Evenwicht is klaor!

Het project Drentse Liedties op tournee deur Drenthe is een preject veur de harmonie- en fanfarewereld. De Stichting Betoeterd met as oetvoerder Jeannet Boverhof leidt dit preject waorin vief Drentse liedties uut het archief van het Drents Liedtiesfestival deur professionele arrangeurs bewarkt wordt.

De neie single van Mooi Wark het Gien mens wet waorum en giet over pesten. Naost de feestnummers bezingt Mooi Wark ok serieuze onderwarpen. De bijbeheurende videoclip wordde openeumen in het Veenpark in Barger Compascuum. Vrijdag komp de single uut.

Pagina 8 van 16