Der wordt drok rippeteerd veur de Drentse Zing-inn op 18 meert in de Voorhof  in Börk mit de liedties van Lucine Oetsen, Andries Middelbos, Ria Pronk, Herman Schepers en Martijje! Dizze Drentstalige zangers en zangeressen hebt ofgelopen jaor opetreden op tijdens concerten van amateurorkesten in het kader van het project Dreentse Liedties op Tournee deur Drenthe en de miesten hebt mitedaone an het Drents Liedtiesfestival. Kaorties bint in de veurverkoop te halen bij de Jumbo in Börk en bij het Huus van de Taol in Beilen veur 5 euro. Op de aovend zelf kost ze € 7,50. De A-fanfare van Excelsior Oosterhesselen zal op 18 meert de liedties begeleiden en der in de Voerhof een prachtige aovend van maken! Kiek op de site van Stichting Betoeterd veur meer informatie.

Zaoterdagmorgen 11 febrewari deden der 35 deelnemers mit an de allereerste repetitie van het neie koorproject Zing-inn Drentstalige Liedties op Tournee. Onder leiding van Jan Smale giet dit projectkoor in zaal Meursinge in Börk an de slag um neie Drentstalige liedties in te studeren.  De leste koormappen mit liedteksten en oefen-cd bint nog te koop bij het Huus van de Taol in Beilen. Der is met name nog ruumte veur mannenstemmen. Veur de finale op 18 meert kuj kaorties in veurverkoop halen bij het Huus van de Taol. Zij kost dan 5 euro i.p.v. € 7,50

Daniël Lohues is drok bezig mit een neie plaat! In het veurjaor komp Moi uut, een elpee mit liedties die in hij an de keukentaofel in Erica emaakt hef. Van febrewari tot juli toert Daniël mit zien gelieknamige theaterveurstelling deur het laand.


Op 19 juni is de leste oetzending van Op Streek prissenteerd deur Bert Kamping. Het wordt de leste oetzending in zien bestaon. Nao vief jaor 'Grootse Meziek In Kleine Taolen' op de zundagnommerdag is 't nao mörgen over. Deur -van hoger haand- oplegde bezunigings in de regionale umroepsector, zal ok RTV Drenthe, maotriegels nimmen moeten. Het stoppen van Op Streek is daor iene van. Nog even luustern van 15.00 - 17.00 uur.

Nog een paar dagen en het Drèents Liedtiesfestival wordt op 11 juni um 19.30 uur live uutezunden vanuut het neie Atlastheater in Emmen. Dizze weke stelt RTV Drenthe alvast de finalisten aan oe veur. Op maandag waren Annemiek Drenth, Wouter van Beek, Annemiek Goelema en Gerrit Denekamp an de beurt. Woensdag meuken wij kennis mit Ineke de Jong en Rik Vinke. De aandere finalisten koomt donderdag en vrijdag an de beurt. Het overzicht van alle deelnemers en heur sms-codes kuj op de site van RTV Drenthe zien.

Ankommen zundag 5 juni een bezundere oetzending van Op Streek! Dan drèeit Bert Kamping namelk enkel en allien mar Drèentstaolige meziek!! Van 15.00 tot 17.00 uur op Radio Drenthe!

Pagina 11 van 16