Geesje Hoving is geboren in Raol ( 28 november 1948) waor ze ok de leste jaoren van heur leven woond hef.

Eind jaoren tachtig begon ze met schrieven en der verscheen wark van heur in uutgaven van Oeze Volk, De Plattelandsvrouw en aander tiedschriften.

Ze schreef over ervarings uut heur eigen leven en heur eigen gevuul. Heur verhalen hebt vaak een luchtige ondertoon maor in heur poëzie beschref ze meer over wat er in heur um giet.

In 1992 gaf ze in eigen beheer de bundel Met de herfst ben ik thuis uut, een Nederlandstalig bundel, waorin zij in gedichten heur jeugdervarings beschref.

Het Drentse Boek nam in 1995 Kom as de katties bluit op in het fonds, een boek met Drentse gedichten.

Geesje Hoving was van 2010 tot 2013 betrökken bij het Huus van de Taol as keurnoot van de gemeente Aa en Hunze.

En ok las zij graag veur op de basisschoel in Raol in de Meertmaond Streektaalmaond.

Ondanks de kwieke indruk die zij maakte, leut heur gezondheid heur toch al een paar jaor in de steek.

En uuteindelijk overleed zij veurige week op 71 jaorige leeftied.