Zanger Leon Moorman wil volgend jaor oet naom van oes laand met doen an het Eurovisie Songfestival in Italië. Op het leste nippertie schreef e zuch in met zien lied Knooin, wat e in het Drents zingt.

De zanger wun het Drèents Liedtiesfestival in 2019 met dit nummer en dèenkt dat het de perfecte inzending is veur het songfestival: Het giet over het accepteren van aandere mèensen en je niet zoveul antrekken van aandern. Een universele bosschup. 

Daornaost döt zingen in de streektaol het volgens Moorman goed bij het internationaole publiek.

Der is wal een kaans dat zien inzending niet geldig is, umdat nummers die instuurd wordt niet eerder commercieel oetbracht weden mugt. Veur de wissigheid hef e dus ok nog een aander (nei) nummer instuurd.