Verleden jaor kwam Uitgeverij Koninklijke Van Gorcum met Zul oes Sunterkloas wel kommen en nou is der het neie boek Midwintertradities in Drenthe. In beide boeken gaot historisch underzuuk haand in haand met Drentse volkskunde en Drentse literatuur. In het neiste boek laot de schrievers zien dat tradities veraandert, dat tradities verdwient (katknuppeln) en dat der neie tradities bint zoas de neijaorsduuk.

Het boek is schreven in het Drents en het Nederlands, um reden dat elkenien op dizze wieze zien kennis van de streektaol kan verbetern. Daorum bint ok Drentse vertalings van A Christmas Carol van Charles Dickens en Het meisje met de zwavelstokjes van Hans Christiaan Andersen opneumen.

Het boek lig in de boekhandel en is veur € 24,- te bestellen op vangorcum.nl