Neie Drentse sprekersbaank

Umdat het niet altied makkelk is um een Drentstaolige spreker te vinden veur een trouwerij, oetvaort of bijienkomst komp wij nou met een  sprekersbaank. In ien overzicht ziej wie aj vraogen kunt. Ok stiet er waor en waorover ze spreekt.

Der staot nou 19 sprekers op, maor elkenien die as Drentstaolig spreker warkt, kan zuch melden bij het Huus van de Taol veur een plekkie.

Veur oes as streektaolorganisatie was het een logische keuze um wat ruumte vrij te maken veur Drentstaolige sprekers.  Directeur Renate Snoeijing: “Nou is der íen stee waor Drentstaolige sprekers te vinden bint, dat scheelt de zuker een bult tied.”

Een vermelding is gratis en de contacten tussen zuker en sprekers gebeurt zunder tussenkomst van het Huus van de Taol. Sprekers levert zölf heur tekst an en bint daormet zölf verantwoordelijk veur heur informatie.

Sprekersbaank