Vanof vandaag kuj lustern naor de neiste podcast in de serie Praot Drents met mij. Renate Snoeijng prat met muzikant Sander Broersma, zanger van de Drentstaolige band Skroetbalg.

‘Der is absoluut niks mit um het Drents vast te holden. Veur mij vuult het as mien eerste taal.’

As klein jonkie was e altied al bezig met meziek. Hie was de ienige oet het gezin die daor met bezig was. Toen e dartien was begund’e zien eerste bandtie in een hok bij de boerderij van zien pap.

Hie warkt nou bij de keesfebriek in ’t Hogeveine, maor is daornaost altied gangs met meziek.

‘Ik heb in bands espeuld waorbij het misschien klunk asof der een afvoerputtie leegleup. Ik zal nooit beweren dat ik een virtuoos bin, maor ik zeg altied: der is niemand die het zó mooi vindt um te speulen.’