Op dinsdag 2 november was de leste aovend van de Drenthecursus in Scheloo. De cursus was al begund in jannewaori 2020, maor de Corona-crisissen gooiden roet in ‘t eten. Nao de viefde les op 17 meert 2020 muchten ze niet wieder.

Cursusleider Jan Hartlief hef nog een digitaole les geven, maor daornao mussen ze wachten tot oktober, veurdat ze wieder kunden. Spietig genog mus ok dat weer oetsteld worden, net zoas in het begun van 2021.

Gelukkig kunden ze eindelijk weer begunnen in oktober 2021 en bint de leste dree lessen toen geven.

Dat het stoer bleek um de draod weer op te pakken hew markt an het antal dielnimmers. Van de 22 dielnimmers hebt oeteindelijk 12 personen de cursus volbracht.

Een pubquiz op de leste aovend muuk dudelijk dat de cursisten der genog van opsteuken hebt. As dank kreeg elkenien een certificaot.