Nou in dizze tied de rippetities niet deur gaot, kunt al die muziekliefhebbers toch nog gangs gaon met heur liefhebberij deur een cursus liedteksten schrieven te volgen. Elke liefhebber van muziek en van de streektaal kan met an doen.
Koorleden, muzikanten en dirigenten kunt nou online onder begeleiding van Martijje proberen of ze een lied uut heur repertoire umzetten kunt naor het Drents, zodat het een eigen lied van het koor wordt. Of bandleden kunt heur eigen muziekteksten schrieven of in de streektaal umzetten en schrievers kunt heur schrieverstalent ok ies proberen in een muzikale vorm te gieten.
In de vief lessen kriej instructies van Martijje en ok huuswark. Dat wordt in de les ok besproken. Ok giet het over vertaolen versus hertaolen. En over de zingbaorheid en het ritme van teksten. Daorbij kommen ok de varianten van het Drents veurbij. De lessen bint op de woensdagaovend op 13 en 27 jannewari, op 10 en 17 febrewari en op 10 meert.
- Kosten: vief lessen veur € 50,-. Te betaolen veurof. Nao anmelding kriej een link over de wieze van betaolen.
- Max. 10 cursisten, die actief met an doet
- Max. een uur veur anvang van de les kriej de inlogcode veur het videobellen-program, zodaj live reageren kunt.
- Deur met an te doen, gaoj ok akkoord dat de les een maond laoter online veur aandern zichtbaor is op YouTube en Facebook.
Veur anmelden: klik hier
Veur betaolen: klik hier