Woensdag 24 meert was het zo wied: de Statenvergadering van het Drents Parlement was in het Drents!

En dat Commissaris van de Keuning Jetta Klijnsma het Drents nog niet verleerd is, weur al vrog in de vergadering dudelk toen ze twee kemphaonen in plat Drents oet mekaar haalde!

Renate Snoeijing much oet naam van het Huus van de Taol en van heur Nedersaksische naobers een welkomstwoord doen. Hierin meuk ze dudelk dat het mooi is dat der andacht is veur het Nedersaksisch in de Statenzaal, maor dat het niet neudig weden mus um hier een motie veur in te dienen en an te nimmen.

Hiernao was de film van samenwarkende Nedersaksische streektaolorganisaties te zien.

Tussen het vergadern deur was der roemte veur meziek van Annemiek Drenth en gedichten en verhalen van Lucine Oetsen.

De vergadering is terug te kieken op www.drentsparlement.nl .