Winnaars ‘Slok oet je eigen Drentse mok’ bekend

In oktober gungen wij bij het Huus van de Taol op zuuk naor een neie slogan veur op de koffiemokken die we verkoopt in oeze webshop en winkel. Een oproep in de media leverde zowat 200 kreten op en een deskundige jury hef oeteindelijk veer prachtige spreuken oetkeuzen.

Winnaars
‘Dit is mienend’ – Jeanet de Vries (Ien), ‘Kop derveur’ – Jeffrey Verdel (Emmen), ‘Veur leut en teut’ – Aagje Blink (Emmen) en ‘Dikke (s)mok’ – Alice Blaauw (Erica).

Sommige kreten waren deur meerdere inzenders instuurd, de jury hef hieroet ien winnaar trökken.

Alle winnaars hebt undertussen bericht had. Spietig genog zit er op dit moment deur Corona een veul langere levertied op de mokkies en hebt de winnaars nog gien beker kregen met heur eigen tekst derop. Zo gauw de mokken in jannewaori binnen bint, giet dat vanzölf asnog gebeuren. Vanof dan bint de mokken ok bij oes in de webshop te koop.

Het ontwarp is maakt deur Vera Vos Vorm.