Marga Feringa

Ik ben geboren (1976) en opgruid in Pais (Peize), op ‘t melkveebedrief van mien pap en mam.

Jaoren laang heb ik, as juf veur de jongste kinder, met veul plezaier op een legere schoul waarkt. Hartstikke mooi om jonge lu wat te leren en om met minsken om te gaon.
Ok het opgruien van mien eigen jongens, Lars en Niels, (ze bennen inmiddels volwassen) het mai in ‘t leven veul braocht.
Wat ik belangriek vind in ‘t leven, is wat kunnen beteiken veur ‘n aander!

Deur het verleis van leive minsken om mai hen en deur nuver wat levenservaoring was ’t veur mai dudelk dat ik bai oetvaorten zul gaon spreken.

Ik weit wat minsken deur maoken moeten bai ‘n groot verleis en dat goud aofscheid nimmen heul belangriek is. Elkenein is biezunder en het dingen met mokt in ’t leven wat oeteindelk je levensverhaol maokt. Elk verhaol is ‘t weerd om verteld te worden.

Mien motto is: “Aj spraokeloos bent, dan heb ik d’r woorden veur”.

In ‘t Drèents, of in het Nederlands, krek waj willen.
Omdat ik opgruid ben in Pais, en in Roon woont heb, heb ik dat Noord Dreèntse dialect.

Daornaost bin ik nou ok waarzoam as oetvaortverzörgster, as veurganger dus. Dit dou ik bai ’Uitvaartzorg Westerkwartier – Noordenveld’.

 

Woj meer weiten over mai:

kiek op mien webstee: www.margaspreekt.nl

Of bel: 06-18403638

Je kunnen ok een mail sturen naor: mail@margaspreekt.nl

Of kiek es bai: www.uitvaartzorgnoordenveld.nl