Uutslag Nedersaksische schriefwedstried.

13 mei 2018

Hennie Stokker en Baukje Bloemert veur het Talenpaviljoen MeM Hennie Stokker en Baukje Bloemert veur het Talenpaviljoen MeM

In een gezellig vol MeM paviljoen in Leeuwarden, onderdeel van het Talenpaviljoen in Leeuwarden (onderdeel van het programma van de culturele heufdstad van Europa), is op 13 mei het slotprogramma van de Drentse taalweek holden. Op het programma stund onder andere de uutslag van de Schriefwedstried 2017/2018 van Het Huus van de Taol. An dizze schriefwedstried deden zo’n zeuventig schrievers mit uut het hele Nedersaksisch taalgebied. Der waren juryleden uut elke regio. Unaniem waren ze van mening dat de verhalen een goed niveau hadden en dat het beslist gien straf was die te mutten lezen. En dat het een moeilijke taak was um de winnaar te kiezen, dat schreef ok elk jurylid. Uuteindelijk bleek dat het verhaal Soamen in het Westerkwartiers van Tonko Ufkes de meeste punten kreeg. Een gedeelde pries was der veur Janet Baron- Lopers (Drents) en Jan de Jonge (Grunnings). Hennie Stokker-Stadman wun de pries veur het best veurgelezen verhaal. Daornaost waren der eervolle vermeldings veur Are Meijer, JennyAnna Linde en Wil Eefting.

Verder stund der op het programma de eenakter Mien eigen weg  van de Rederiekerskamer uut Borger, die mit verve heur successtuk brachten. En ok dit publiek dat veurnamelijk niet Drenten bestund, kun smakelijk um het verhaal lachen. Halverwege de middag gaf presentator van de dag Bert Rossing het stokkie over an de Brabantse streektaal.Het Brabantse duo Lya de Haas en Hennie Korsten gaven mit liedties en gedichties een Brabants gezellige sfeer an de middag. Brabant is tot en met 22 mei de taal die in het Talenpaviljoen het programma verzorgt.