Drèentse dienst in Paais

6 aug 2019

Op zundag 18 augustus is der in de kark van Paais een Drèentse dienst. Veur Paais is dat op zichzölf al apart, zo vake gebeurt dat ja niet. Maor dizze is ok apart, want der warkt een paor bekende Drenten an met. Tea Nijnuis, uut Paais zölf, les veur. Tea is taolschulte in de gemiente Noordenveld, zeg maor ambassadeur van het Huus van de taol. Ze is ok bekend as schriefster en tredt regelmaotig op.

Anne Doornbos vertelt het ontroerende verhaol van zien oldste zussie, dat maor kört leefd hef. En over hoe dat een rol speulde in het geleuf van zien olders en dat van humzölf. Anne is bekend as schriever, onder meer deur zien leste boek, de Drèentse thriller ‘De paddenvanger’, waormet e de Streektaolpries van het Dagblad van het Noorden wun.

Maor dan is der ok nog domnee Chris de Valk uut Paais. Hij zingt in dizze dienst het bekende lied van Daniël Lohues ‘As de liefde mar blef winnen’. En ja heur, in het Drèents! Net as vanzölf de aandere liedern op dizze mörgen.

De dienst begunt om 10.00 ure en elkenien in welkom!