OETNEUDIGING VEUR ZAOTERDAG 12 OKTOBER

Renate 1100 x Kunst op zien Drents

An elk die nauw betrökken is bij het Huus van de Taol,

Het zal je niet ontgaon weden: oeze neie directeur Renate Snoeijing is op 2 september begund. Renate wil geern met jullie kennismaoken. Daorum neudig wij je oet um op zaoterdagmörgen 12 oktober ankommend naor Beilen te kommen.
Op dizze dag zal Renate zuch veurstellen en... heb we wieder ok nog wat schiers op ’t pregram staon!

De leste tied heb we samen met het Drents Museum en oetgeverij Keuninklijke Van Gorcum hard warkt an een schier boekie. Het is werkelijk een arg mooie en verrassende bundel worden, waorin kunstveurwarpen en streek- en wereldtaolen op een biezundere manier bij mekaor bracht bint.
Ok de vörmgeving mag zuch zien laoten. Harry Tupan van het Drents Museum, Kor IJszenga van Van Gorcum en Jan Germs van het Huus van de Taol bint er dan ok gloepends bliede met, dat ze zaoterdag 12 oktober 100 x Kunst op zien Drents prissenteren kunt. Daornao is het boekwarkie veur € 10,-- te koop.

Het programma van de mörgen is ongeveer zo:
09.45 - 10.15 uur: Ontvangst met koffie, thee en plakkie cake of koek
10.15 - 10.45 uur: Kennismaoking met oeze neie directeur Renate Snoeijing
10.45 - 11.00 uur: Prissentaotsie en overhandiging van het eerste exemplaar van 100x Kunst op zien Drents
11.00 -12.00 uur: Naoproten en meer...

Umdaw geern weten wilt hoeveul koffie der zet worden mot en hoeveul cake en koek aw snieden moet, wil we geern weten oj van dizze oetneudiging gebroekmaoken kunt.
Woj dat wal veur maondag 7 oktober an oes deurgeven? Dat kan op Dit e-mailadres wordt beveiligd tegen spambots. JavaScript dient ingeschakeld te zijn om het te bekijken. of met de tillefoon via (0593) 371010.
Wij ziet je geern op zaoterdag 12 oktober in de raodszaol van de gemiente Midden-Drenthe in Beilen.

Vrundelijke groet,
Bestuur en metwarkers van het Huus van de Taol