2019 drents eenakterfestival foto Anneke Bloema 5

Veur de darde keer stun tenielverieniging Crescendo oet Gieterveen in de finale. Oflopen zaoterdag is 't ze lukt! De jury in schouwburg Ogterop in Meppel was unaniem: Crescendo is met het stuk Hartzeer bij de Hartliefs! de beste.

Oet handen van de juryleden Marga Kool, Jurr van Dalen en Koos Smit kreeg de tenielverieniging de kei van het Huus van de Taol. Aal twee jaor organiseert wij het ienakterfestival Kört&Goed. De veurrondes waren dit jaor in Zeijen, Noord-Sleen en Ruinerwold. 10 tenielgroepen hebt metdaon. Oflopen zaoterdag was de finale in schouwburg Ogterop in Möppelt. Veer Drentse éénakters van krap een half uur stun op het podium. Naost Crescendo stun Rederiekerskaomer UDI Runerwold, De Madammen oet Stadskenaol en de Rederiekerskaomer Börger in de finale.

Het stuk Hartzeer bij de Hartliefs! is baseerd op de ienakter van Carl Slotboom. Regisseur André Rosing hef der een hilarische Drents-taolige ienakter van maokt met daorin volk dat op zuuk naor de liefde giet! De jury van het festival was slim wies met het saomenspel en de kwaliteit van de speulers. As veurbield wur speuler Mark Roossien nuumt. Hij speulde de nog aal thoeswonende Egbert Warrink en zien eerste stappies op het dating-pad.

Het ienakterfestival Kört&Goed hef zu'n 600 bezuukers trokken. Het Huus van de Taol wil in 2021 weer een festival organiseren. Ok komt de rin het ankommend jaor een ienakter-schriefwedstried.

Foto’s: Anneke Bloema The Factory II

Foto 1: De speulers hebt de eerste pries kregen van de jury.

Vlnr: André Rosing, Henriëtte Rossingh, Marianne Braam, Mark Roossien, Geert Wigchering

Achterste rij: de juryleden Koos Smit, Jurr van Dalen en Marga Kool

Foto 2: Crescendo speult Hartzeer bij de Hartliefs!

fullsizeoutput 4ccb foto 2

In De Grup heur je in anderhalf uur tied liedties vanoet Drenthe en van net even over de Grup in Duutslaand. De veurolders van veenkoloniaole zanger Bert Hadders en van de Bremer zanger Otto Groote kwamen beide oet de buurt van Börk, in Drenthe. Otto's opa gung hen Duutslaand um an de aarmoe te ontsnappen. De opa van Bert Hadders bleef hier. As Otto en Bert mekaor hentegen kommen, blek dat beide kleinzeuns muzikanten in hun eigen streektaol worden bint. En dizze taol giet over de grèens, over de grup hen.

De Grup wordt speuld deur Bert Hadders, Otto Groote, Erik Harteveld en band. De Grup is het eerste diel van drie (muziek)theater-stukken in het Drèents en Platduutsch.

Speuldata:

8 december 21.00 uur VanSlag, Börger;

14 december 20.15 uur Kielzog Hoogezand;

15 december 20.00 uur Hofsteenge Grollo;

21 december 20.00 uur Noorderbak Roswinkel

www.iemandsland.com

Het Huus van de Taol organiseert in meert 2019 veur de daarde keer het Drentstalige ienakterfestival Kört & Goed. Nao drie veurrondes is de finale op 30 meert 2019 in theater Ogterop in Möppelt. Het Huus van de Taol röp tonielverenigingen, buurtverenigingen, vriendenclubs of welke andere groep of persoon dan ok um zich an te melden. Deelnemers wordt evraogd um een ienakter in te studeren van minimaal twintig en maximaal dartig minuten.  Het mag gaon um een kleine groep, maar een grote groep speulers is net zo goed toe-estaon. De keuze van genre is vrij: van familieveurstelling tot klucht tot eernsachtig. Ienakters kunt opevraogd worden bij bestaonde uutgeverijen, bibliotheken of bij het Huus van de Taol. Het zul barre mooi wezen as der neie ienakters eschreven zullen worden. Elke deelnemende groep kreg een bedrag van 100 euro, waormit kosten veur reproductie, Buma e.d. betaald kunt worden. Deelnemers hebt recht op deskundige hulp op het gebied van de Drentse taal en ondersteuning bij de regie. De drie veurrondes bint in café Hingstman in Zeijen (vrijdag 8 maart), zalencentrum Wielens in Noord-Sleen (vrijdag 15 maart) en café Centraal in Ruinerwold (zaterdag 16 maart). Een deskundige jury beoordeelt de stukken. Groepen die mitan doen wilt, kunt zich tot 10 september 2018 anmelden bij het Huus van de Taol ( Jan Germs 0593 371010 of Dit e-mailadres wordt beveiligd tegen spambots. JavaScript dient ingeschakeld te zijn om het te bekijken. ) Hier kuj ok meer informatie kriegen.

 

De Rederiekerskamer Börger wön mit Vrömde Vogel de spannende finale van het Ienakterfestival op 25 meert in Schouwburg Ogterop in Möppelt. Direct evolgd deur Crescendo uut Gieterveen die De grune boer speulde. ADO Nörg (Een bloedstollend slot) en Rederiekerskamer UDI uut Runerwold (Kwekerij De Duiventil) namen de overige twee priezen in ontvangst. De jury bestund uut Marga Kool, Roelof Pieters en Just Vink. Over twee jaor is der weer een ienakterfestival.

De veurrondes van het ienakterfestival Kört & Goed zit derop. Op de eerste aovend in De Brinkhof in Nörg wordde ADO oet Norg deur de jury as beste beoordeeld. Bij Wielens in Noord-Sleen wun de Rederiekerskamer uut Börger en in de Alke in Alteveer kreeg Rederijkerskamer UDI uut Runerwold de beste cijfers. Crescendo Gieterveen is daor nog as veerde finalist (de beste tweede plek) bijevoegd. Zaoterdag 25 meert is dan de eindronde in Ogterop in Möppelt. Kaorten hierveur kost € 10,00. Aanvang 20.00 uur. Reserveren via Dit e-mailadres wordt beveiligd tegen spambots. JavaScript dient ingeschakeld te zijn om het te bekijken. (0593371010)

 

An het Ienakterfestival dat op 3 meert van start giet doet tien groepen mit. Volk van Grada (Emmen), Kruudmoes (Klazienaveen), Rederiekerskamer Börger, Toneelgroep Zwiggelte, Groep Wim Ensing, UDI (Runerwold), De Kring (Holthe), Crescendo (Gieterveen), ADO (Nörg) en Toneelveriening WDOB uut Een. De veurrondes bint in Nörg in de Brinkhof op vrijdag 3 meert, in Noord-Slien bij Wielens op zaoterdag 11 meert en in Alteveer in de Alke op vrijdag 17 meert. De finale van Kört&Goed 2017 hol we weer in Ogterop in Meppel en wal op zaoterdag 25 meert 2017. Kaorten kuj risserveren via Dit e-mailadres wordt beveiligd tegen spambots. JavaScript dient ingeschakeld te zijn om het te bekijken. Bellen mag ok: 0593 371010. Kaorten kost € 7,50 veur de veurrondes. Veur de finale kost ze tien euro.

Veur de zummer meldden wij al dat het Huus van de Taol in 2017 weer een ienakterfestival organiseert. Puntsgewieze nog even het belangriekste op de riege veur Kort & Goed: iederiene mag metan doen. Het mag hierbij gaon um leden van een tenielveriening, maor een groepie van een buurtveriening of gewoon een koppelie kammeraoden of wat veur groep dan ok. Zie zuukt een ienakter oet of schrieft er zölf iene (of laot iene schrieven), waorbij geldt:
-het tal an speulers is vrij;
-de ienakter wordt speuld in het Drèents, waorbij het toestaon is dat ien of twei personen zuch van een aandere taol bedient;
-de ienakter duurt tussen de 20 en 30 minuten; niet minder en niet meer.

Ok dit jaor kuj weer op mooie (en minder mooie) zomeraovenden genieten van de openluchtspeulen in Rowol, Rune, Haovelte en Zweel. Het zal nog niet mitvallen um een keuze te maken. Maar ie kunt ze vanzelf ok allemaol bezuken!

 

Pagina 1 van 4