Meer promotie - Huus van de Taol

 

Op de webstee www.hunebednieuwscafe.nl van het Hunebedcentrum in Börger kuj sinds vandaog alle 52 Drèentse en de 2 Grunningse hunebedden bekieken met een Drèentse beschrieving der bij. Taolschulte Willy Weerman uut Ees hef alle teksten vertaold. Daor is het Huus slim wies met.
 
 
Eens in de zo veul tied zien ze mekaor: de schrievers van Roet. Dizze keer in "De Amer" in Amen. De redactie van Roet har sprekers neugd zoas Jan Veenstra en Egbert Hovenkamp II. Martin Koster har het over hoe 't ooit met Roet begonnen is. En hoofdredacteur van Aoder, Tonko Ufkes har het over de digitaole opvolger van Krödde uut Grunnen. Schriefster Janneke Holwarda gaf een nuver veurbeeld van hoe je metkunnen met de neie tied deur een podcast te begunnen. Holwarda maokt elke week een nei kört verhaol op heur podcast "Uitgelezen".
Zanger Bas Schröder van de band Swinder zung schiere leidties in het Grunnings.

De Drentse verieniging 't Aol Volk hef elk jaor de veurdrachtwedstried in het Drents veur de jeugd van de legere schoel. Op vrijdag 16 november was 't weer zo wied. In het Atlastheater in Emmen keken meer as 300 mèensen naor de kinder met hun gedichties.
De winnaors in de groep 1 t/m 5 bint: Chantal Paas en Kyara Rengers met "Oeze Mieke" van Bonnie Veendorp.

De winnaor in de groep 6 t/m 8 is: Indy Wösten uut Zwartemeer met "Kippenpraot" van Hermien Boesjes.


(Indy Wösten stiet op de foto met heur bekers. Foto: 't Aol Volk)

 

 

Stichting Dwingels Eigen neugt iederiene die daor zin an hef, op wonsedag 21 november hen dorpshuus Over Entinghe in Dwingel te komen um te genieten van een aovendtie streektaol. Schriever Johan Veenstra uut Nijeholtpade en muzikant/zanger Wilem Fledderus uut Assen treedt op. Ans Klok opent de aovend um 19.30 ure, prat de boel an mekaer en lat nog wat eigen waark heuren. Umdat het een jubileumaovend is is de toegang gratis en kriegt de bezukers zowel bij de koffie/thee as de borrel een traktatie. Wie komen wil möt zuch even opgeven via til.nr. 0521-592468 of Dit e-mailadres wordt beveiligd tegen spambots. JavaScript dient ingeschakeld te zijn om het te bekijken..

De Drentse Vereniging “’t Aol’ Volk” holdt weer de jaorlijkse veurdrachtwedstried in Drents dialect veur de jeugd t/m 16 jaar op vrijdag 16 november a.s. um 19.00 uur in het Atlas theater in Emmen.
Veur de beste deelniemer is de Eding-Askesprijs beschikbaor.

De Drentse Vereniging bestiet 70 jaor. Reden um een gedichtenbundeltie te maoken van de gedichties van de veurdrachtwedstried van de de leste jaoren. Dit bundeltie zal ok vrijdag 16 november prissenteerd worden. Burgemeester Eric van Oosterhout krig het eerste exemplaor.

Kiek veur meer informaotie op www.aolvolkemmen.nl

Dunderdag 1 november is Cor Doevendans oet de tied kommen. Al helderwat jaoren was Cor bestuurslid van het Huus van de Taol. Een betrökken bestuurslid, iene waor aj van opan kunden, een verknupt sympathieke vent, een man diej elke organisatie toewenst. Met Drenthe, het Drents en de cultuur van Drenthe was Cor slim begaon. Hie was ok ien van de leden van Törf Jenever en Achterdocht, een popgroep oet Schoonebeek maor veul meer as dat. In de B’ART 2015 is een hiel mooie reportage over dizze groep van wereldverbeternde jongelu opnummen. Daor vertelt elk hoe ze viefendartig jaor later in ’t leven staot. In 1979 warkte Cor (“zeg maor Lippe”) in het familiebedrief, maor har de wil um de wereld te veraandern, te verbetern. In elk geval mus je daorveur je best doen. In 2014 was Cor Doevendans eigenaar/directeur van een eigen bedrief, verkocht van alles en nog wat en reisde de hiele wereld over. Maor nog aaid vun Cor dat de wereld beter kun en daj daor net as in 1979 je best veur doen mussen.

Drèentse romperties

Hef ien in je umgeving een poppie kregen en zuuk ie een schier kedoogie? Kom dan even bie oons in Beilen of kiek op drenthecadeaus.nl. Romperties in het Drèents met roze, blauwe of zwarte tekst. Veur € 11,50 te koop in de maoten 50/56 en 62/68.

Bie oons in het Huus van de Taol in Beilen hangt tot 23 november een schiere selectie pentiekeningen van Arie Goedhart. Al jaoren is Goedhart drok in de weer um de netuur van het Noorden in bield te brengen. De leste jaoren hef e alle hunebedden van oons land tiekend.

't is hiel bizunder dat dizze kunstenaar zich zo bezig holdt met ien underwarp. Meistieds tiekent Goedhart uut Hoogeveen bomen, landschappen en dörpsgezichten.

Goedhart: ‘In het begin dacht ik, wat is daar nou aan, ze lijken allemaal op elkaar. Maar na verloop van tijd raakte ik in de ban van de sfeer rondom zo’n hunebed. De steeds wisselende natuur eromheen en het historisch besef doen zijn werk als je daar zo zit te schetsen of foto’s aan het maken bent. Ik kan nu niet anders zeggen, dan dat de hunebedden mij inspireren. Niet voor niets heet het nieuwe boek dat in januari uitkomt Hunebedden Inspireren.’

De expositie in het Huus van de Taol an het Raadhuisplein in Beilen is elke warkdag gratis te bezuken tiedens kantooruren.

Daniel Lohues hef een indrukwekkend aantal liedties in het Drèents schreven. Lohues komp uut een rooms-katholiek milieu en hef het in zien teksten geregeld over het geleuf. Op dönderdag 1 november vanaof acht uur kuj in De Bron in Assen luustern naor de liedties en anslutend met mekaor praoten over de teksten. Elk mens die hef zich een kruus te dragen komp zeker veurbij! Daniël is der zölf niet bij.
 
Donderdag 1 november um 20.00 uur 
De Bron, Einthovenstraat 28 in Assen.

In De Grup heur je in anderhalf uur tied liedties vanoet Drenthe en van net even over de Grup in Duutslaand. De veurolders van veenkoloniaole zanger Bert Hadders en van de Bremer zanger Otto Groote kwamen beide oet de buurt van Börk, in Drenthe. Otto's opa gung hen Duutslaand um an de aarmoe te ontsnappen. De opa van Bert Hadders bleef hier. As Otto en Bert mekaor hentegen kommen, blek dat beide kleinzeuns muzikanten in hun eigen streektaol worden bint. En dizze taol giet over de grèens, over de grup hen.

De Grup wordt speuld deur Bert Hadders, Otto Groote, Erik Harteveld en band. De Grup is het eerste diel van drie (muziek)theater-stukken in het Drèents en Platduutsch.

Speuldata:

8 december 21.00 uur VanSlag, Börger;

14 december 20.15 uur Kielzog Hoogezand;

15 december 20.00 uur Hofsteenge Grollo;

21 december 20.00 uur Noorderbak Roswinkel

www.iemandsland.com

Pagina 1 van 89