Meer promotie - Huus van de Taol

Het Huus van de Taol giet lös op social media. De Vraog van de Dag was der al op Facebook. Aal warkdaogen um 12 uur. Daor is De schriever les veur bijkommen. Op Facebook um 15.00 uur op warkdaogen! Een schriever les een gedicht of verhaol van niet meer as een minuut veur.

En dan is der ok nog Even wat aans op YouTube. Aal metwarkers van het Huus warkt vanuut huus. Dus ok Jan Germs. Vanuut Gasselt zal e op warkdaogen um 10 uur een nei filmpie over de streektaol op YouTube zetten. Hier is de link naor het

Huus van de Taol kenaol.

 

Vanof vandaog kuj op warkdagen kieken en luustern naor een Drèentse schriever. Hij of zij les veur oet eigen wark op oeze facebookbladziede um 15.00 uur. Niet heul lang vanzölf; daorveur pak je een boek. Oeze winkel in het Huus zit dicht. Maor boekhandels bint nog lös. En oeze boekenwebstee ok vanzölf: www.drentheboeken.com.

 

Beste cultuurmakers in de previncies Grönning, Drenthe, Fryslân, Overiessel en Gelderland,

Pasleden hef het noordelijk samenwarkingsverband We the North met de previncies Overiessel en Gelderland en het Ministerie van OCW een subsidieregeling opensteld: de Culturele Regeling Proeftuin Meertaligheid. Dizze regeling mak het meugelk subsidie an te vraogen veur provincie-overstijgende culturele preducties waorin meertaligheid een rol hef, en dan met name streektaal-meertaligheid.

De instuurdaotum veur de eerste 'tender' was 1 meert 2020, die veur de tweede, leste meugelkheid um subsidie an te vraogen is 1 juni 2020.

In febrewari hef der in Grönning een eerste succesvolle netwarkbijienkomst west, die een koppel schiere anvraogen opleverd hef. De kwartiermakers hadden veur um in anloop naor de tweede instuurdaotum vanneis zo'n netwarkbijienkomst te organiseren. Corona gooide roet in het eten.

Um toch vraogen van cultuurmakers te beantwoorden en um ideeën en contacten oet te wisseln, heb ze een 'webroom' opend: www.whereby/welkomindeproeftuin . Daor zult de kwartiermakers op vrijdag 17 april tussen 09.00 en 17.00 uur op ofspraak beschikbaar weden veur alle vraogen over de regeling en over jullie prejectplannen. Ze neugt cultuurmakers um veur dunderdag 16 april een ofspraak te maken via: https://proeftuinmeertalingheid.youcanbook.me. Der kunt gesprekken inboekt worden van standaard 15 minuten. Ter veurbereiding op 't gesprek kuj een e-mail sturen naor Dit e-mailadres wordt beveiligd tegen spambots. JavaScript dient ingeschakeld te zijn om het te bekijken. . 

Veur de subsidieveurweerden, het anvraogformulier, meer informatie en contactmeugelkheden over de 'Proeftuin Meertaligheid' kuj kieken op de webstee http://www.wethenorth.org/proeftuinen/meertaligheid/ . 

De kwartiermakers Goffe Jensma en Anne Popkema hoopt dat ze je zo tóch helpen kunt um met schiere cultuurprejecten deel te nimmen an de 'Proeftuin Meertaligheid'. Ze ziet je geern online op vrijdag 17 april!

 

Het is oes in meert spietig genog niet lukt um alle Wiesneuzen op alle schoelen te kriegen veur de Meertmaond - Streektaolmaond. Daorum gaow de inzenddaotum veur de puzzels en de kleurplaat verlengen naor 1 september 2020. Dan hef elkenien tied zat!  Je kunt ze hierunder vinden!

Hej de Wiesneus niet kregen? Dan kuj hum hier alvast digitaal lezen.

 

 

Wiesneus 2020 Kleurplaat Huus van de Taol

Wiesneus 2020 Drentse Woordzuker

Wiesneus 2020 Puzzel Huus van de Taol

Dit jaor make wij de prieswinnaars bekend via de website van het Huus van de Taol en facebook. Deur het Corona-virus giet de huldiging in Börk niet deur.

Hoewel de juryleden zonder uutzondering vertelden dat het eigenlijk gien doen is, appels en peren vergelieken en dit jaor ok nog mit een thema waor zo veul inhold bij kan komen kieken, is der toch een keuze emaakt.

Het was lastig en zoas jurylid Gerrit Dannenberg zei:

Jureren is beoordelen en mangs ook veroordelen van creatieve producten. Dat kan onherstelbare schade biej de kunstenaar veroorzaken en geet dus fealijk tegen mien principe in, mer met een bloodend harte maak ik oonderstoande opmoarkingen oawer de verhalen.

Waoraj an kunt ofleiden dat de juryleden serieus wark van heur taak emaakt hebt. De jury bestund uut meinsen mit wortels in verschillende provincies: Ina de Raad, Peter Riksma, Gerrit Dannenberg, Ton Peters en de manuscriptenwarkgroep van het Huus van de Taol.

En de wedstried hef der in elk geval toe eleid dat der een groot antal prachtige verhalen eschreven bint. En daor binne wij heel bliede mit! Van een deel van die verhalen kunt de lezers van Zinnig ok mitgenieten, want de komende nummers zult der zeker nog verhalen eplaatst worden.

De winnaar van de schriefwedstried 2019-2020 van het Huus van de Taol en daormit € 350,00 rieker, is  

Are Meijer, hij schref in het Westerkwartiers, het verhaal mit de titel Port

PORT, Are Meijer

Een verhaal dat volgens ien van de juryleden stof veur een hele roman in zich hef, compleet mit psychologische ontwikkeling. Gien woord teveule, hooggeladen taalgebruuk; de spanning blef tot het leste. In compacte zinnen, to the point, wet de schriever de lezer te pakken. Origineel.

Nummer 2 is en daormit € 100,00 rieker:    Ada Waninge uut Roden, mit het verhaal Hoe vrij bi’j?

HOE VRIJ BI’J? Ada Waninge

In Hoe vrij bi’j vertelt een moeder an de dochter hoe zij de oorlog beleefd hef. Feitelijk gebeurt er niks, mar de lezer kreg tegeliek mit de dochter, een beeld van het alledaagse leven in de oorlog. De mensenkennis en wiesheid van de moeder is prachtig beschreven in dit kleine verhaal. Een tiedsdocument.

En nummer 3 is      Jessica Bonnema uut Assen, zij schreef Vrij?

VRIJ, Jessica Bonnema

Het verhaal, eigenlijk allent de gedachten van een oldere man in een verpleegtehuus die zien leven overzet, nemp de lezer as vanzölf mit naor het ende. De stukkies tussendeur, de contacten mit de verpleging, bint levensecht en het speulen mit de tied is knap. Een verhaal dat oe bijblef.

Eervolle vermeldings waren der veur: Jennie Lambers-Niers (Coevern), Tonko Ufkes (Grunning) en Ina Fischer (Vollenhove).

Rodney Niezen kreeg een biezundere vermelding, hij schreef een gedicht.

 

Wij holdt oes an de veurschriften rondum het Corona-virus. Het Huus is daorum niet lös volgens de openingstieden en allent maar op ofspraak. Woj niet veur een dichte deur staon? Bel dan um een ofspraak te maken (0593-371010). Beter nog: mail oes: Dit e-mailadres wordt beveiligd tegen spambots. JavaScript dient ingeschakeld te zijn om het te bekijken..

 

Fransje Piepelaar is geboren. Een klein schattig moesie oet een groot nust. Leny Hamminga hef zien wereld bedocht. En Sanne Bruinsma hef het tekend. 'Van Fransje Piepelaar die in een hond ging wonen' is een prachtig boek worden veur kinder van de basisschoel. De oldsten kunt hetzölf lezen en an de jongsten kuj prachtig veurlezen. 

Het boek is te koop in de boekhandel, op www.drentheboeken.com en in het Huus in Beilen veur € 14,95. Fransje en Mientje

De anvullende maatregeln die nou ofkondigd bint t/m 1 juni, hebt spietig genog ok gevolgen veur een koppel activiteiten die wij organiseert.

De volgende activiteiten wordt ofblaozen:

  • Veurlezen op de schoelen
  • Streektaolstried Börk 20 meert
  • Streektaolstried Zeijen 20 meert
  • Taal an Taofels Börk 29 meert

Veur meer informatie kuj terecht bij je contactpersoon van het Huus van de Taol. 

Het onveurstelbaore verhaal van een jonggie van zeuventien. Dat op een donderdagmörgen oppakt wordt met zien femilie en verdwient in de Nacht und Nebel van het Dritte Reich. Allent umdat e jeuds was. Een jonggie dat zien atlas achterlat. Een atlas waorin het noodlot dat hum tröf al zichtbaor wordt.

Een prachtig en tegeliekertied alderbarstens verdrietig gedicht van schriever en dichter Anne Doornbos. Speuld en zungen deur Ineke de Jong en Kees Hendriks. 

Vanmörgen hef wetholder Joop Brink de oftrap verricht veur het veurlezen in de gemiente Coevern. Hij hef veurlezen in groep 7/8 op de Vlinderhof in Noord-Slien.

In totaol wordt der dizze maond veurlezen an roem 2400 kinder op 20 schoelen in de gemiente. Alle kinder kriegt dan het Drèentstaolige tiedschrift Wiesneus. 

Pagina 1 van 98