Het Huus van de Taol is op zuuk naor commercieel metwarker

Het Huus van de Taol is op zuuk naor een commercieel metwarker / verkoper (m/v)

 

Vestigingsplaots:                    Beilen                        
Dieltied / volledige baan: 16 uur in de week
Wat veur instelling: streektaolorganisatie
Vakgebied:     verkopen / commerciële warkzaamheden
Wark- en denkniveau: MBO / HBO
Traktement:  € 2.692,- bruto, aj de volle week van 36 uur warken zulden; dit is schaol 8.1 volgens de CAO Openbare Bibliotheken
Looptied:   eerst tot het èende van 2016; verlenging is daornao meugelijk
Begun van ’t wark:    zo gauw as ‘t kan

 

Huus van de Taol

Het Huus van de Taol is een stichting, die gangs is met de streektaol in de previncie Drenthe. De stichting hef as doel het anjagen van het actief en passief gebroek van het Drèents in de miest briede zin van het woord. Het Huus van de Taol wordt subsidieerd deur de Provincie Drenthe en voert het beleid oet dat de previncie in heur cultuurnota opschreven hef. Der wordt wark verzet op de terreinen taolpremotie, underwies, schrieverij, meziek en taolwetenschap.

Oetgeverij Het Drentse Boek is underdiel van het Huus van de Taol. De tiedschriften Roet en Maandewark / Oeze Volk hebt een zölfstandige redactie, maor wordt oetgeven deur het Huus van de Taol. Het Huus van de Taol gef ok De Taolkraant oet.

Inhold van de functie

De neie metwarker hef in eerste instantie as belangriekste taak het opstellen en oetvoeren van een verkoopplan veur oeze boeken. Daornaost:

-       vraog wij inzet bij het zuken van abonnees veur oeze tiedschriften

-       vraog wij inzet bij het zuken van huusvrienden en donateurs

-       vraog wij inzet bij het zuken van bedriefssponsors

-       vraog wij inzet bij de verkoop van de overige producten van het Huus van de Taol

Wij vraogt
Een pro-actief persoon, die het verkopen in het bloed zit. Het zul mooi weden as e wat hef met boeken en tiedschriften en dat e Drentstaolig is. Het bezit van een auto en riebewies is een verieste.

Wij biedt
Een beheurlijk ofwisselnde baan met veul ruumte veur eigen ideeën en inbreng.


Aj meer weten wilt

Het kan weden, daj nog vraogen hebt over de organisatie of de functie. Nim dan gerust contact op met het Huus van de Taol. Je mugt bellen met Jan Germs (0593-371010) of de lienpost gebroeken: Dit e-mailadres wordt beveiligd tegen spambots. JavaScript dient ingeschakeld te zijn om het te bekijken.. Contact opnimmen kuj tot en met vrijdag 11 meert ankommend.


Solliciteren

Aj besleuten hebt, daj daodwarkelijk veur de baan van verkoper / commercieel metwarker bij het Huus van de Taol in anmarking kommen wilt, kuj je brief veur 13 meert ankommend opsturen naor:

Huus van de Taol

t.a.v. Jan Germs

Postbus 163

9410 AD Beilen.

Je mugt je belangstelling ok met de lienpost dudelk maken. Stuur je sollicitatie naor Dit e-mailadres wordt beveiligd tegen spambots. JavaScript dient ingeschakeld te zijn om het te bekijken..


Wiedere procedure

Half meert wordt een keus maakt oet de sollicitaties die binnenkommen bint. In week 12, de week van maandag 21 meert, vindt gesprekken plaots.