DE NEIE ZINNIG !!!

13 juni 2019

De neie Zinnig is oet. Oons Drèents tiedschrift is weer op de mat vallen. 't Is de tied van bloemen en grune netuur. En dus hef de redactie keuzen veur het thema "bloem". Veul verhaolen over bloemen, zoas veilingmeester Richard Gibcus van de bloemenveiling in Eel. Hij is de man aan de knoppen van de veilingklokken. En aan de aandere kaant zitten de kopers, zoas Marijke Scheper. Ze is eigenaor van een bloemenwinkel in Zuudwolde. Naost dizze bloemen ok een schier verhaol over ien met bloem an de haanden: bakker en zangeres Annemiek Drenth. In Emmer-Compas hef ze saomen met heur zus een bakkerij. Is dat te combineren met heur wark as zangeres?

Zinnig stiet barstendsvol met verhaolen, gedichten, prachtige foto's en meer. Zinnig is te koop in Beilen, bij het Huus van de Taol. Je kunt ok een abonnement nemen vanzölf. Veur € 19,50 in 't jaor komp de Zinnig op je mat. Even mailen naor info@huusvandetaol en 't is regeld.