KLEURRIEKE SCHILDERIJEN VAN RIE VAN EIJCK BIE HET HUUS IN BEILEN. KOM IES KIEKEN.

Het neie jaor begunt kleurriek in de expositieruumte van het Huus van de Taol in Beilen. Der hangt schilderijen van Rie van Eijck uut Zuudwolde. In dizze grieze wintertied kuj van heur kleuren vrolijk worden.

Veul Drenten kent heur schilderijen van vrolijke vrouwlu met dikke billen, schilderijen met humor. In het Huus hangt ok schilderijen van peerden. Rie van Eijck hef dizzend tiedens het grote Concours Hippique in Zuudwolde maakt.

De expositieruumte van het Huus van de Taol is opend tiedens kantooruren. De kleuren van Rie van Eijck sieren nog tot end februari de muren van oes huus an het Raadhuisplein in Beilen.