Meer promotie - Huus van de Taol

Dizze mokken kuj rustig op taofel zetten. Elke mok drag een een typisch Drents zinnegie, zoas Vernuver oe der mit, Kuj 't even wachten?, Hej 't er an toe? en Gloepends lekker. Verkriegbaar in het Huus van de Taol en bij de webwinkel www.drenthecadeaus.nl  
Zij kost € 3,95 per stuk. Een mooi kedogie aj op visite gaot!

Nou de plastic zakkies bij de winkels betuun wordt is het wel barre handig um zo'n mooie jute tasse bij oe te hebben. Dizze Eco Style karbiezen bint nou te koop bij het Huus van de Taol veur maar € 7,50
Ie kunt hum ok via de webwinkel www.drenthecadeaus.nl bestellen.

Goaitsen van der Vliet is onderzuker en tekstverzörger en hef een unieke ontdekking edaone. Hij hef hiel olde gedichten over Möppelt evunden en die bint ok nog ies in het dialect van Möppelt eschreven.Het giet um gedichten van twaalf Overijsselse steden. Möppelt is daorin een uutzundering as Drentse stad. De gedichten gaot over het dagelijks leven in de steden. Tot nu toe was de oldste tekst van 1870. Maar dizze is nog tachtig jaor older. Lees het artikel dat Goaitsen van der Vliet hef eschreven over de gedichten bij de Twentse Taalbank.

Het zomernummer van Roet is uut. Mit hierin onder anderen bijdrages van Chris Canter, Ria Westerhuis, Rouke Broersma en Suze Sanders.  De abonnees van Roet hebt het blad inmiddels al thuusestuurd ekregen. Niet abonnees kunt de neie Roet tegen betaling van 4 euro halen bij het Huus van de Taol. Ie kunt de Roet ok bestellen via de webwinkel www.drentheboeken.com Ie betaalt dan wel verzendkosten. Op de achterkant van de Roet de eerste zin uut Lena, het boek van Leny Hamminga, dat nou ok as E-book verkiegbaar is. Kiek veur meer informatie op www.drentheboeken.com In de ZomerRoet stiet een recensie van het boek deur André Degen.

Het is elukt! De vrouwen bint Europees kampioen eworden! In de B'ART 2016 stiet een interview mit Vivianne Miedema. Die B'ART 2016 biede wij twee weken veur de belachelijke pries van 5 euro an! Umdat der een mooi vraoggesprek mit de sterspeulster in stiet. De anbieding geldt allent in het Huus van de Taol en in de webwinkel. Een hiel mooi boek trouwens, die B'ART 2016!!

 

Bareld Lunsche is veurige week woensdag op 89 jaorige leeftied uut de tied ekomen.Hij woonde de leste jaoren in zorgcentrum De Vierackers in Assen. Barled Lunsche wordde bekend deur zien deelname an cabaretgroep De Bekketrekker (opericht deur Peter van der Velde). De Bekketrekker trad op met liedties en schetsies in het Noorddrents o.a. veur de Drentse ofdeling van Regionale Omroep Noord (RON). Bareld speulde in het gezelschap tot 1973. Daorna gunk hij zelf optreden o.a. mit zien dochter as Bareld en Bea.Wij wenst de familie Lunsche veul starkte.

Het Huus van de Taol wordt regelmaotig vraogd om taoladvies. Wat beteeikent dat mooie Drèentse woord? Hoou schrief ie dat raore Drèentse woord? Waor komp dat woord èengelijk vort en meer van zuk soort vraogen. Het komp ok wel ies veur dat een instantie of een bedrief in Drenthe zöcht naor een neie Drèentse naom en dat ze oous vraogen om met te dèenken. Zo gung dat ok bij de Museums Vledder. Die hebben een actieve tuunploeg waor ze mouwhemden veur bestellen wolden, mor dan mus daor vanzölf wel een mooie Drèentse naom op. Het Huus van de Taol kwam op ’t idee om der tuunkroeper op te zetten. De tuunploeg kröp ja deur de tuun en een tuunkroeper is ok een mooi vogelie; een winterkeuninkie. Aj ok een vraog hebben an ’t Huus van de Taol, klik dan Dit e-mailadres wordt beveiligd tegen spambots. JavaScript dient ingeschakeld te zijn om het te bekijken.

 

Dit e-mailadres wordt beveiligd tegen spambots. JavaScript dient ingeschakeld te zijn om het te bekijken.

tuunkroeper2

Der is altied veul vraog naor Drentstalige kaorten. Wij hebt ondertussen al een hiel koppel kaorten waoraj uut kiezen kunt. Rouwkaorten waren der nog niet. En daorum hew nou twee soorten kaorten emaakt. Het bint dubbele kaorten mit een envelop waoras op de butenkaante allent mar Starkte of Veul starkte stiet. De kaorten kost € 1,75 per stuk. Ok verkiegbaar per drie bij www.drenthecadeaus.com 

Pagina 1 van 75