Nieuws - Huus van de Taol

Nieuws

Tiedens Zomerzinnen 2019 is de bizundere gedichtenbundel Van Nijlande tot Heelal / From Nijlande to the Universe / Von Nijlande bis zum Weltall prissenteerd. Een bundel met vertaolings van de gedichten van Erik Harteveld. Het is de eerste keer dat Drentse poëzie is vertaold in het Engels en Duuts. Een neie mijlpaol veur het Nedersaksisch!

In Dwingel kreeg saomesteller Geert Nijland oet handen van Erik Harteveld het eerste exemplaor. Nijland is de initiatiefnemer en coördinator en vertaolde somen met een warkgroep de 21 gedichten oet de vroege poëzie van Harteveld. Vertaolster Ans Bouter har een gedegen verhandeling over de valkoelen waorin vertaolers terecht kommen kunt.

Initiatiefnemer Nijland is dervan overtuugd dat de poëzie van Harteveld een groter podium verdient. De gedichten van Harteveld getugen van het leven op het platteland. Veur een kind dat alles veur de eerste keer meemaokt is alles belangriek, én even belangriek.

Erik Harteveld is schriever, speuler, regisseur en muzikant (in september 2019 te zien in het Atlastheater in Emmen met de nieuwe muziekproductie Weltmeister van Iemandsland). Hij is geboren in Nijlande bie Raol.

De bundel Van Nijlande tot Heelal is vanof 1 juli te koop in de boekhandel en via www.drentheboeken.com

Chris Canter is opegruid in Neilusen in Aoveriessel en hef in Amsterdam, Londen en Madrid woont. Hij schref verhalen in het zuudwest-Drèents. Moenen is zien eerste verhalenbundel in boekvörm. Het eerste exemplaar hef zien vriendin Eva Chacón Gordaliza ekregen.

Op de foto: Chris Canter en Eva Chacón Gordaliza

De winnaor van de streektaolpries 2018 van het Dagblad van het Noorden is Anne Doornbos met "De Paddenvanger". Fieliciteerd Anne. In een schier gevuld Winsinghhof in Roon stunden drei schrievers naost mekaor. Drei Drenten. Volgends de jury hebben dizze drei schrievers de beste proza en poëzie in de streektaol van Grunnen, Drenthe of de Stellingwarven schreven in 2018. Suze Sanders schreef de gedichtenbundel "Vioolties an Zee", Anne Doornbos schreef de thriller "De Paddenvanger" en Rieks Siebering de gedichtenbundel "Verjaag met mij de rikken van mien laand".

Oet het juryrapport: "Dat het mogelijk is een uitstekende detective te schrijevn in de streektaal, bewijst "De Paddenvanger" van Anne Doornbos. In dit boek zijn de personages van vlees en bloed en niet stereotype."

Boeten de pries veur beste proza/poëzie is der ok een pries veur beste cd/dvd/overige. De Grunningse Marlene Bakker won met heur cd "Raif". De publiekspries was veur Irene Wilkens en heur band "Sikkom Kult".

 

fullsizeoutput 4e47

Nei boek "Hunebedden inspireren" prissenteerd.

In "Kunsthuis Venendal" in Hoogeveen hef gedipputeerde Bijl het eerste boek kregen uut handen van Arie Goedhart. Alle hunebedden van oons land hef Arie tiekend met zien kroontjespen. Anvuld met gedichten en verhaolen, is het een prachtboek worden. En ok een schiere opvolger van "Drenthe inspireert" van vief jaor leden.
Het boek lig in de winkel veur € 27,95 is ok te koop bij het Huus van de Taol in Beilen en op drentheboeken.com vanzölf.
In "Kunsthuis Venendal" kuj de tiekenings ok op waore grootte zien. Gedipputeerde Bijl hung saomen met Arie Goedhart de leste pentiekening op en daormit is de expositie lös daon.
En met de overhandiging van een mini-dekstien an de neie directeur van het Hunebedcentrum, Harrie Wolters, hef het Hunebedcentrum in Borger de collectie van 54 pentiekenings in beheer kregen.Arie boek 2