De schriever Ton Peters hef zien gedichtenbundel 'De maon hef nacht under de nagels' in het Huus van de Taol in Beilen prissenteerd. De Drentse vertaoling stiet naost het Engelse origineel. 

't Is veur het eerst dat de gedichten van Ted Kooser in Nederland in een vertaoling te koop komt. Ton Peters hef de gedichten niet in het Nederlands, maor in het Drents vertaold, um reden dat e het Drents veul beter bie de gedichten passen vindt.
Ted Kooser is een grote schriever in Amerikao. Hij hef de Pulitzer Prize wonnen en was 'Dichter des Vaderlands'. Kooser schrif over mensen, emoties of krek het ontbreken daorvan.
De bundel 'De maon hef nacht under de nagels' is deur Stichting Het Drentse Boek oetgeven en is te koop veur € 17,50 op drentheboeken.com. Vanof 13 november ok te koop in de Drentse boekhandel.IMG 5365IMG 5347

Tien jaor leden deden ze 't zölf: erotische poëzie in het Drèents. De dichtbundel "Minnezinne" was een succes. Dizze zummer hebben Delia Bremer en Ria Westerhuis verstarking zöcht. Een dikke 40 schrievers hebt hun erotische gedicht schreven in het Nedersaksisch, Fries, Rotterdams, Amsterdams, Zuud-Afrikaons, Limburgs, Utregs, Vlaams; nuum maor op. De bundel is bie "Ter Verpoozing" oet Paais oetgeven en te koop bie boekhandel Riemer Barth in Möppelt en op www.riawesterhuis.nl.

HOOG BEZUUK

31 juli 2019

Maandagmiddag kwam der hoog bezuuk in het Huus van de Taol.

Gre Seidell-Broekhuizen uut Geldrop en Gerard Nijenhuis uut Bronneger, twei grote Drentse schrievers.

Beide schrievers kent mekaar al jaoren, sinds ze allebeide betrökken waren bij de Drentse Schrieverskring en Oeze Volk.

Het was dan ok een hartelijk weerzien tussen beide senioren.

Gre is 90 jaor eleden geboren an t Oranjekanaal, woonde lang in zuud-west Drenthe en nao heur trouwen verhuusde ze naor Eindhoven.

Ze schreef veul poezie in heur leven, jaorenlaank in het Drents, de leste jaoren ok in het Nederlands.

In 2010 verscheen bij het Drentse Boek een bloemlezing van heur wark in Aoverveer.

Maandag bracht ze een schitterende bundel mit naor Drenthe.

Negentig gedichten en prachtige foto’s, emaakt deur heur dochter Alydia. De bundel is emaakt veur en deur de familie, mar liefhebbers van de gedichten van Gre Seidell kunt contact opnemen mit het Huus van de Taol. Wij kunt dan kieken of het nog meugelijk is een boek te bestellen (25,- euro excl. bezorgkosten).

Gerard Nijenhuis woont al weer jaoren in Bronneger. Ok een schriever op leeftied, en iene die zien sporen dik verdiend hef in de Drentse schrieverswereld. Gerard schref nog steeds af en toe veur de Drentstalige tiedschriften Roet en Zinnig.

NEI BOEK: KOLD!

22 nov 2018

20 schiere winterhaolen um te lezen en veur te lezen

Aalgedurig krig het Huus van de Taol de vraog of der ok een nei boek komp wat bruukt worden kan bie het veurlezen in de winter. Nou, 't is zo wied. Nao de verhaolenbundels Vörst en Nachtvörst is op 21 november de bundel Kold! prissenteerd.
Dizze neie verhaolenbundel is saomensteld uut de beste verhaolen van de schriefwedstried van het Huus van de Taol veur het heule Nedersaksisch taolgebied. Het thema van de schriefwedstried was Winter. 60 Schrievers hebben een verhaol inleverd in een Nedersaksische variant. De schierste 20 binnen, waor neudig, umzet in één van de 7 varianten van het Drèents.

Kold! Schier um te lezen en um uut veur te lezen. Kold! kost € 9,95 en is te kriegen in het Huus en bie de boekhandels en www.drentheboeken.com

B'ART 2016 komp woensdag 28 oktober uut! De B'ART 2016 hef weer machtig veul te bieden. In tekst (Nederlands en Drents) en beeld (prachtige foto's van professionals) kuj Drenten en Drenthe leren kennen op een onverwachte manier. B'ART vertelt over voetbal, vleis (gehaktballentest) zang, dans en muziek, plastic enten en ok riedende enten, motoren, modellen, een laandgoed, liefde, bedrievigheid, idealisten, kuunstliefhebbers, jongern en nog veul meer...

Niks is zo hiete as old ies het de gedichtenbundel van Annije Maria Brans. Onder dit pseudoniem gef Marga Zwiggelaar uut 't Hoogeveine heur eerste gedichtenbundel uut. Op 4 november wordt de bundel prissenteerd in het Huus van de Taol.

Op woensdag 4 november komp de neie bundel van Gerard Nijenhuis uut. Het is de twaalfde poëziebundel van de 83 jaorige schriever. In Kringloop bint alle thema's uut zien wark verweven: liefde veur het laandschap en veur meinsen, maar der bint ok gedichten over verlies en over taal. Het boek is vanof volgende week te koop in de Drentse boekhandels, bij het Huus van de Taol en via de digitale boekenwinkel www.drentheboeken.com

{multithumb}Vrijdag 13 meert komp de neie verhalenbundel, Kattenbende en hondenboel van Klaas Koops uut. Een boekie mit korte verhalen over katten, honden en hun baosies. Klaas is behalve schriever ok een talentvolle tiekenaar en hij hef de illustraties in het boek dus ok zelf emaakt. Veur donateurs van het Huus van de Taol is der goed neis, want Kattenbende en hondenboel is het donateursgeschenk van dit jaor. De donateurs, die € 26,- per jaor betaalt kriegt het boekie binnenkort in de bus. Wie gien donateur is kan vanof vrijdag het boek in de Drentse boekhandels kopen of bij de online boekenwinkel van Het Drentse Boek.

{multithumb}Vrijdag komp der een machtig mooi boekie uut over plaatsnamen in Grunnen en in Drenthe. Het is een dubbelboek; an de iene kaante Drentse plaatsnamen en aj 't ummedreit wordt der Grunninger plaatsnamen verklaard. Een mooi samenwarkingsverbaand tussen het Huis van de Groninger Cultuur( Siemon Reker en Eline Brontsema) en het Huus van de Taol (Abel Darwinkel)
Via de digitale enquête Vraog&Antwoord is deur 830 sprekers van het Drents en 1068 sprekers van het Grunnings zoveul informatie over plaatsnamen en heur bewoners egeven dat het boek wel tien keer zo dik had kunnen worden. Wi'j het bestellen?

{multithumb}Op vrijdag 13 febrewari prissenteerde de in Westerkwartier wonende Tonko Ufkes in het Huus van de Groninger Cultuur zien neie verhalenbundel n tuut op beide schelpen. Umdat Tonko uut 't Westerkwartier komp, bint de verhalen ok in ’t Grunnings. Vanwege zien baand mit de Drentse schrieverij en het biezundere van zien taol viendt Het Drentse Boek ‘t belangriek dat dizze verhaolen ebundeld wordt.  Het eerste exemplaar was veur schriever Melle Hylkema. De muziek wordde verzorgd deur Piet Buist en Geert Zijlstra.  Wi'j het boek bestellen?

 

Pagina 1 van 11