Huus van de Taol

Het neie jaor begunt kleurriek in de expositieruumte van het Huus van de Taol in Beilen. Der hangt schilderijen van Rie van Eijck uut Zuudwolde. In dizze grieze wintertied kuj van heur kleuren vrolijk worden.

Veul Drenten kent heur schilderijen van vrolijke vrouwlu met dikke billen, schilderijen met humor. In het Huus hangt ok schilderijen van peerden. Rie van Eijck hef dizzend tiedens het grote Concours Hippique in Zuudwolde maakt.

De expositieruumte van het Huus van de Taol is opend tiedens kantooruren. De kleuren van Rie van Eijck sieren nog tot end februari de muren van oes huus an het Raadhuisplein in Beilen.

Paartie lu hebt nog vekaansie, maor een diel van oeze beroepsbevolking hef het pad naor de warkplek weer vunden. En allewal iene met weemoed terugdenken kan an al die vrije tied, dat geweldige strand, die biezundere natuur, die oogverblindende zunsundergang, de uren met een mooi boek e.d., is het niet onmeugelijk daj het toch ok wal schier vindt daj weer an ’t wark mugt. 

In het Huus van de Taol is het wat dat angiet hielemaol een mooie dag. De mieste broepskrachten bint weerum van de verschillende, al dan niet verre oorden en… vandaag is oeze neie collega en streektaolfunctionaris Arja Olthof begund. Tot veur kört stun Arja as lerares Duuts veur de klas in het middelbaar underwies, maor nou giet ze al heur niet geringe taolige bagage inzetten veur het Drents. 

Wij bint er geweldig wies met dat Arja bij oes an ’t wark is en wenst heur mooie jaoren in het Huus van de Taol toe.

In het Huus van de Taol in Beilen bint tot 26 juli zömmerse schilderijen van Anneke van Venrooy oet Hoogeveen te bekieken. Vrouwlu an zee, slaopende wichter nao een warme dag. Maor ok Grunnen, Amsterdam en het Dwingelderveld. Kom ok ies kieken. Tiedens kantooruren in het Huus van de Taol, Raadhuisplein 1, Beilen.
expo Venrooy 1

Bie oons in het Huus van de Taol in Beilen hangt tot 23 november een schiere selectie pentiekeningen van Arie Goedhart. Al jaoren is Goedhart drok in de weer um de netuur van het Noorden in bield te brengen. De leste jaoren hef e alle hunebedden van oons land tiekend.

't is hiel bizunder dat dizze kunstenaar zich zo bezig holdt met ien underwarp. Meistieds tiekent Goedhart uut Hoogeveen bomen, landschappen en dörpsgezichten.

Goedhart: ‘In het begin dacht ik, wat is daar nou aan, ze lijken allemaal op elkaar. Maar na verloop van tijd raakte ik in de ban van de sfeer rondom zo’n hunebed. De steeds wisselende natuur eromheen en het historisch besef doen zijn werk als je daar zo zit te schetsen of foto’s aan het maken bent. Ik kan nu niet anders zeggen, dan dat de hunebedden mij inspireren. Niet voor niets heet het nieuwe boek dat in januari uitkomt Hunebedden Inspireren.’

De expositie in het Huus van de Taol an het Raadhuisplein in Beilen is elke warkdag gratis te bezuken tiedens kantooruren.

Pagina 2 van 4