Toon items op tag: Drents - Huus van de Taol

Wat een gloepens mooie meertmaond heb wij had. Zo veul mèensen wies met Drents. Het Huus van de Taol is veur het anfietern van oonze streektaol. Aj wies met Drents bint, dan steun ie het Huus vanzölf. Veur € 10,-- in 't jaor kan 't al. Klik op IK WOR HUUSVRIEND hier rechts of bel met oons: 0593-371010.
Wees wies met Drents; wees wies met het Huus.

Gepubliceerd in Wor Huusvriend of Donateur
maandag, 07 januari 2019 12:50

DRÈENTS LIEDTIESFESTIVAL 2019 KOMP DER AN

Het liedtiesfestival wordt veur de achtste maol organiseerd met as doel het schrieven, oetvoeren en vastleggen van neie Drèentstaolige kwaliteitsmeziek. De organisatie -Stichting REUR- rop alle mezikaanten en tekstschrievers van Drèentstaolige meziek op um liedties in te sturen.
De inzunden liedties wordt deur een kemmissie, bestaonde oet meziek- en tekstprofessionals belusterd en weugen. Oet alle inzendings wordt de beste tien liedties keuzen veur de finale. Begun mei wordt de selectie van de tien finalisten bekend maakt via RTV Drenthe.


De finale van het Drèents Liedtiesfestival is op zaoterdag 22 juni 2019 in het ATLAS Theater in Emmen. Het Drèents Liedtiesfestival wordt LIVE oetzunden op TV Drenthe en via het internet. Het Drèentse pebliek stemt via sms op heur favoriete liedtien. Een inholdelijke vakjury zal de liedties ok beoordelen. Beide oetslagen bepaolt gezamelk de oeteindelke winnaar van het Drèents Liedtiesfestival.
De winnaar van DLF19 zal ok ofvaardigd worden naor het Europees Songfestival veur Minderheidstaolen op het SUNS Europe festival 2019 as vertegenwoordiger van het Nedersaksisch.

Inzendings kunt daon worden tot en met 5 april 2018 hen Stichting REUR, Laan van de Marel 30, 7823 CA Emmen of via wetransfer.com hen: Dit e-mailadres wordt beveiligd tegen spambots. JavaScript dient ingeschakeld te zijn om het te bekijken. o.v.v. DLF19.

Je inzending möt bestaon oet:
-een tekst van het liedtien
-een opname van het liedtien
-een invuld inschriefformelier Rieglementen, meer infermatie en neis kuj vinden op www.drentsdlf.nl, www.stichtingreur.nl, of via Facebook en Twitter under de naam @DrentsDlf

(Foto: Edwin van Stenis)

 

 

Gepubliceerd in Drents liedtiesfestival

Op 67 jaorige leeftied is op 3 augustus Freerk Mulder uut de tied ekomen. Freerk schreef onder pseudoniem Anne Hoogebrug. Hij wordde geboren in 1950 in Noorderhoogebrug en woonde tot op het lest van zien leven in Peize. Hij schreef proza en poëzie in Krödde, Toal en Taiken, Roet en Maandewark/ Oeze Volk, maar daornaost schreef hij ok teneelstukken. In 2009 kwam zien debuutbundel in het Grunnings uut: As ain poar ogen sloeten (eigen beheer). De leste tied schreef e veurnamelijk op zien facebookpagina. Publiceren was een manier um zien gevuul een plek te geven. Wij weinst zien naobestaonden hiel veul starkte. (Bron: Waor roet en blommen wortel schiet in 't veld. Drentse Literatuurgeschiedenis van 1945 – 2015. Henk Nijkeuter)

Gepubliceerd in Literatuur

Op donderdag 14 juni is de Drentse thriller 'De Paddenvanger' van Anne Doornbos prissenteerd. Een koppel volk gung achter de schriever an op de Klaassteenweg in Marwijksoord. Op dezölfde stee as de moord op veer jonge kerels, kreeg burgemeester Eric van Oosterhout de eerste 'Paddenvanger' oet handen van Anne Doornbos. Ok het Shantykoor oet Raol was der bij, want dit koor hef een rol in dizze Drentse Thriller. 

Gepubliceerd in Literatuur

De warkgroep van het Huus van de Taol in gemiente De Wolden kreg jaorlijks een bedrag van de gemiente um te besteden an promotie veur de streektaal. Naost het in het Drents veurlezen in de meertmaond-streektaalmaond  bedacht de warkgroep der wat neis bij. De leerlingen van de hoogste groepen van alle basisschoelen muchten een t-shirt ontwerpen mit daorop een Drentse tekst. Uuteindelijk wordden Dorien Flik en Sissy Mos van openbare basisschoel ’t Oelebröd in Rune de winnaars mit heur tekst Mooiste kiend van Drenthe. Wetholder Mirjam Pauwels reikte het eerste shirt uut. Alle deelnemende schoelkiender kregen eenzelfde shirt uutereikt. Dat waren der in totaal 260! Taalschulte Bertus Mos was zeer tevreden mit het resultaat.

zaterdag, 09 juni 2018 17:07

De neie Zinnig is uut!

De neie Zinnig is uut. Dizze keer giet het over spannende zaoken. Zinnig is te koop in de boekhandel en bij het Huus van de Taol. En je kunnen je abonneren vanzölf.

woensdag, 28 februari 2018 09:58

Streektaalaovend in Bibliotheek Beilen

Op donderdagaovend 22 meert kuj naor een Streektaalaovend in de bibliotheek van Beilen. Gasten bint: Anne Doornbos, Geert Jan Brader en de Rederijkerskamer uut Börger. De aovend begunt um 19.30 uur. Kaorten kuj in de veurverkoop halen bij de bibliotheek van Beilen of bij het Huus van de Taol. Zij kost dan € 7,50. Op de aovend zelf betaal ie 10 euro.

vrijdag, 23 februari 2018 15:13

Jannie Karst uut de tied ekomen

Op vrijdag 23 febrewari is op 76 jaorige leeftied Jannie Karst uut de tied ekomen. Jannie Karst wordde begun jaoren tachtig samen mit heur zeune René bekend as het duo Karst.Jannie schreef alle teksten veur het duo en dee dat miestal in heur geliefde Drentse taal. Veul bekendheid kreeg het duo mit heur Kerstoptredens in de Tamboer Kerst mit Karst, Wij wenst de familie Karst hiel veul starkte. In de Tamboer in Hoogeveen wordt woensdagavond vanof 19.00 uur een openbare herdenkingsbijeenkomst onder de name Nog één keer applaus veur Jannie Karst eholden.

Gepubliceerd in Meziek

Bij de nominaties veur de Streektaalpries van het Dagblad van het Noorden veur 2017 hebt de Drentse inzendings een belangriek aandiel. In de categorie proza en poëzie bint Leeive Lieve Eva (Jannie Boerema), Drentse Letteren (Rouke Boersma) en Lena (Leny Hamminga) deuredrungen tot de leste drie. Alle drie de boeken bint uutegeven bij Het Drentse Boek. Het boek Lena is allent nog as e-book te bestellen via de websites van enkele Drentse boekhandels ( Van der Velde Assen, Riemer Barth, Meppel Bruna , Read shop, en Bol.com In de categorie cd/dvd bint naost de Drentse dvd Daor stiet je fiets (Harm en Roelof) uut het Grunningse laand nomineerd: de veurstelling Menalda vetes van theatergroep Waark  en Noar de volgende ronde van Krzysztof Groen. De priesuutreiking is op zundag 15 april in theater vanBeresteyn in Veendam en zal um twee uur begunnen.Veur het eerst zal der ok een publiekspries uutereikt worden. Op de site van het Dagblad van het Noorden kuj binnenkort fimpies van de genomineerden bekieken en oen veurkeur kenbaar maken. De jury van de Streektaalpries bestiet uut Eric van Oosterhout (burgemeester van Emmen), Jannie Kuipers (van de bibliotheek Emmen), Geesjen Doddema-Heidema (redactie Toal en Taiken), Ingeborg Nienhuis (publiciste in het Grunnings) en Tonko Ufkes (veurmalig streektaalfunctionaris en schriever). 

Gepubliceerd in Literatuur
donderdag, 08 februari 2018 10:06

Drèents Liedtiesfestival 2018


Het Drèents Liedtiesfestival 2018 (DLF18) komp der an! Het grootschaolige liedtiesfestival wordt veur de zeuvende maol organiseerd met as doel het schrieven, oetvoeren en vastleggen van neie Drèentstaolige kwaliteitsmeziek. De organisatie -Stichting REUR- rop alle mezikaanten en tekstschrievers van Drèentstaolige meziek op um liedties in te sturen.

Gepubliceerd in Drents liedtiesfestival
Pagina 1 van 3